bachchon ke maanasik vikaas mein maata-pita aur ghar ke maahaul ka aham rol hota hai. jis prakaar bachchon ka shaareerik vikaas ke lie unaka kaaphee dhyaan rakha jaata hai usee prakaar maanasik vikaas ke lie bhee aapako bachchon ko ek achchha maahaul aur aapake pyaar aur dulaar kee jaroorat hotee hai.
aajakal badhatee pratispardha kee daud mein aage badhane ke lie bachchon ko shaarp mainded hona bahut jarooree hai. unhen vo sabakuchh pata hona chaahie, jo unake lie jaanana jarooree hai. har maata-pita ka sapana hota hai ki unaka bachcha buddhimaan bane aur padhaee mein aage nikale. lekin kya aap jaanate hain bachchon ko buddhimaan banaana aapake haath mein hai? jee haan, agar bachchon ko ek khushanuma maahaul diya jae khaane mein paushtik aahaar diya jae to bachchon ko buddhimaan banaana aasaan ho jaata hai.
jaanen bachchon ka dimaag tej karane ke upaay.
dimaagee khel ke phaayade
bachchon ke dimaagee vikaas aur unhen buddhimaan banaane ke lie jarooree hai ki bachchon ke saath chhote-chhote dimaagee khel khele jaen. pahale unhen vistaar se khel ka tareeka bataen phir unake saath bachcha banakar hee khelen aur galatee hone par unhen avashy bataen. jisase ve us galatee ko dobaara karane se bachenge. in khel kee madad se unaka dimaag to tej hoga hee saath unhen maja bhee aaega.
pyaar va dulaar
voshingatan yoonivarsitee ke shodhakartaon dvaara kie gae adhyayan ke mutaabik jo mahilaen apane navajaat ko jyaada pyaar va dulaar detee hain. unake bachchon ke dimaag ke hippokempas kshetr mein jyaada narv koshikaen banatee hain jisase bachche ka dimaag tej hota hai. maan se lagaav hone par bachchon ke dimaagee vikaas par kaaphee asar hota hai.
paushtik aahaar
bachchon ke dimaagee vikaas ke lie unhen paushtik aahaar kee bahut jaroorat hotee hai. bachchon ko khaane mein haree sabjiyaan, phal, doodh, meve, ande aadi jaise khaady padaarth den. bachchon ko jank phood ka sevan kam se kam karaen. har roj subah bachchon ko bheege hue baadaam kee do teen gariyaan khaane ko den. isase unakee yaaddaashat badhatee hai.
paryaapt neend
poshak tatvon ke alaava, paryaapt neend aavashyak hai. amareeka mein hue ek adhyayan ke mutaabik dopahar mein khaana khaane ke baad qareeb ek ghante kee neend lene se bachchon kee yaadadaasht badhatee hai. yoonivarsitee oph maisaachyusets ke shodhakartaon ke mutaabik dimaag ko majaboot banaane aur seekhane ke lie dopahar kee neend behad aham hai.
stanapaan karaen
maan ka doodh bachche ke dimaagee vikaas ke lie bahut jarooree hai. navajaat ke lie maan ke doodh se achchha koee bhee aahaar nahin hota hai. ek taraph jahaan stanapaan se bachchon ko gambheer beemaariyon se bachaaya ja sakata hai vaheen yah bachchon ke dimaagee vikaas ke lie bhee mahatvapoorn maana jaata hai. dainish shodhakartaon ke mutaabik stanapaan karane vaale bachche jyaada svasth aur buddhimaan hote hain.
kitaabon ke shaukeen
bachchon ke dimaagee vikaas ke lie nayee-nayee takaneek aa chukee hai lekin ham kitaabon se milane vaale gyaan ko kaise bhool sakate hain. jyaadaatar bachchon ko kitaaben padhane ka shauk hota hai. aapako bachche kee is shauk mein baadha banane kee jagah unhen kitaaben padhane ke lie prerit karana chaahie. yah har umr ke bachchon ke lie bahut hee phaayademand hota hai. isase unhen har tarah ka gyaan milata hai.
0 Comments For "बच्चों को जीनियस बनाने के टिप्स"