teekamagadh jile ke kisaan govindadaas ne kar dikhaaya yah kamaal, pahale bhee kie hain aise kaee aavishkaar
shailendr dvivedee / teekamagadh
aavashyakata aavishkaar kee jananee hotee hai. in panktiyon ko teekamagadh jile ke maandoomar gaanv ke kisaan govind daas ne
saabit kar dikhaaya hai. bijalee kee samasya se pareshaan gaanv ke logon ka anaaj peesane ke lie usane saikil kee tarj par paidal se chalane vaalee aata chakkee bana daalee hai. bagair bijalee ke chalane vaalee yah chakkee ilektrik chakkee se kamatar nahin hain. ab poore gaanv ka gehoon desee chakkee se hee pis raha hai.
mahaj kaksha 9 veen tak shikshit maandoomar gaanv ke 48 varsheey kisaan govind daas khangaar ne ghar mein pade kabaad ke saamaan se paip, saikil kee seet, paidal, kuchh nat bolt aur jugaad se paidal aata chakkee banaana shuroo kiya tha. chakkee ke paat khareedane kee baaree aaee to aarthik tangee ke kaaran kaam ruk gaya.
chhote bete hemachand ne skool se milee chhaatravrti ke 1700 rupe pita ko de die. isase usane chakkee ke 2 paat khareede aur paidal ke sahaare chalane vaalee bijalee rahit aata chakkee banakar taiyaar ho gaee. govind daas ne bataaya ki chakkee banaate samay gaanv vaalon ne kaee baar majaak udaaya lekin jab vah taiyaar huee to mohalle ke kaee log gehoon pisaane unake ghar aane lage.
ab gaanv mein bijalee ho ya na ho gaanv ke log apana gehoon pisaane yahaan aate hain. isake pahale bhee vah aadha darjan se jyaada desee avishkaar kar chuka hain. inamen khet jotane ke lie lohe ka hal, khet mein jaanavaron ko bhagaane sarch lait kee tarah ghoomane vaala balb shaamil hai.
ab bijalee banaane kee taiyaaree ab govind daas ka sapana paanee se bijalee banaane ka hai. ek saal pahale vah isakee pahal bhee kar chuka hai, lekin aarthik tangee ke kaaran kaam rokana pada. usane bataaya ki paanee kee ek tankee oonchaee par aur ek neeche banaakar paanee ko tejee ke saath giraakar bijalee banaee ja sakatee hai.
isake lie kuchh upakaran baajaar se khareedana honge. inhen khareedane mein kareeb 30 se 35 hajaar rupe ka kharch aaega.ritaayard praachaary phoolachand jain ka kahana hai ki skoolee chhaatron ko nae aavishkaar karane ke lie protsaahan ke roop mein inspaayar avaard yojana ke tahat aarthik sahaayata dee jaatee hai.
agar isee tarj par graameen kshetron mein rahakar nae tareeke ijaad kar rahe logon ko shaasan se aarthik sahaayata upalabdh karaee jae to achchhe parinaam saamane aaenge.
0 Comments For "कबाड़ और जुगाड़ से बनाई बिजली रहित आटा चक्की"