anjaneesut mahaaveer shreeraam bhakt hanumaan aise bhaarateey pauraanik charitr hain jinake vyaktitv ke sammukh yukti, bhakti, saahas evan bal svayan hee baune najar aate hain. sampoorn raamaayan mahaakaavy ke vah kendreey paatr hain. shree raam ke pratyek kasht i ko door karane mein unakee pramukh bhoomika hai. inheen hanumaan jee ka ek roop hai panchamukhee hanumaan. yah roop unhonne kab kyon aur
kis uddeshy se dhaaran kiya isake sandarbh mein puraanon mein ek adbhut katha varnit hai.
shreeraam-raavan yuddh ke madhy ek samay aisa aaya jab raavan ko apanee sahaayata ke lie apane bhaee ahiraavan ka smaran karana pada. vah tantr-mantr ka prakaand pandit evan maan bhavaanee ka anany bhakt tha. apane bhaee raavan ke sankat ko door karane ka usane ek sahaj upaay nikaal liya. yadi shreeraam evan lakshman ka hee apaharan kar liya jae to yuddh to svat: hee samaapt ho jaega. usane aisee maaya rachee ki saaree sena pragaadh nidra mein nimagn ho gayee aur vah shree raam aur lakshman ka apaharan karake unhen nidraavastha mein hee paataal-lok le gaya.
jaagane par jab is sankat ka bhaan hua aur vibheeshan ne yah rahasy khola ki aisa du: saahas keval ahiraavan hee kar sakata hai to sada kee bhaanti sabakee aankhen sankat mochan hanumaanajee par hee ja tikeen. hanumaan jee tatkaal paataal lok pahunche. dvaar par rakshak ke roop mein makaradhvaj se yuddh kar aur use haraakar jab vah paataalapuree ke mahal mein pahunche to shreeraam evan lakshman jee ko bandhak-avastha mein paaya. vahaan bhinn-bhinn dishaon mein paanch deepak jal rahe the aur maan bhavaanee ke sammukh shreeraam evan lakshman kee bali dene kee pooree taiyaaree thee.
ahiraavan ka ant karana hai to in paanch deepakon ko ek saath ek hee samay mein bujhaana hoga. yah rahasy gyaat hote hee hanumaan jee ne panchamukhee hanumaan ka roop dhaaran kiya. uttar disha mein varaah mukh, dakshin disha mein narasimh mukh, pashchim mein garud mukh, aakaash kee or hayagreev mukh evan poorv disha mein hanumaan mukh. in paanch mukhon ko dhaaran kar unhonne ek saath saare deepakon ko bujhaakar ahiraavan ka ant kiya aur shreeraam-lakshman ko mukt kiya.
saagar paar karate samay ek machhalee ne unake sved kee ek boond grahan kar lene se garbh dhaaran kar makaradhvaj ko janm diya tha at: makaradhvaj hanumaan jee ka putr hai, aisa jaanakar shreeraam ne makaradhvaj ko paataalapuree ka raajy saumpane ka hanumaan jee ko aadesh diya. hanumaan jee ne unakee aagya ka paalan kiya aur vaapas un donon ko lekar saagar tat par yuddhasthal par laut aaye.
hanumaan jee ke is adbhut svaroop ke vigrah desh mein kaee sthaanon par sthaapit kie gae hain. inamen raameshvar mein sthaapit panchamukhee hanumaan mandir mein inake bhavy vigrah ke sambandh mein ek bhinn katha hai. puraan mein hee varnit is katha ke anusaar ekaar ek asur, jisaka naam maayil-raavan tha, bhagavaan vishnu ka chakr hee chura le gaya. jab aanjaney hanumaan jee ko yah gyaat hua to unake hrday mein sudarshan chakr ko vaapas laakar vishnu jee ko saumpane kee ichchha jaagrat huee.
maayil apana roop badalane mein maahir tha. hanumaan jee ke sankalp ko jaanakar bhagavaan vishnu ne hanumaan jee ko aasheervaad diya, saath hee ichchhaanusaar vaayugaman kee shakti ke saath garud-mukh, bhay utpann karane vaala narasimh-mukh tatha hayagreev evan varaah mukh pradaan kiya. paarvatee jee ne unhen kamal pushp evan yam-dharmaraaj ne unhen paash naamak astr pradaan kiya. yah aasheervaad evan in sabakee shaktiyon ke saath hanumaan jee maayil par vijay praapt karane mein saphal rahe.
tabhee se unake is panchamukhee svaroop ko bhee maanyata praapt huee. aisa vishvaas kiya jaata hai ki unake is panchamukhee vigrah kee aaraadhana se koee bhee vyakti narasimh mukh kee sahaayata se shatru par vijay, gurud mukh kee sahaayata se sabhee doshon par vijay varaahamukh kee sahaayata se samast prakaar kee samrddhi evan sampatti tatha hayagreev mukh kee sahaayata se gyaan ko praapt kar sakata hai. hanumaan svayan saahas evan aatmavishvaas paida karate hain.
shakti, aatmavishvaas, vinamrata, bhakti, vishvasaneeyata evan gyaan ke apaar bhandaar hanumaan hee vaastav mein aise puraan-purush hain jo na keval apane aaraadhakon varan sampoorn vishv ko bhay evan sankaton se mukt karate hain aur unaka sampoorn charitr ek hee sandesh deta hai mahaaveer banana hai to pahale hanumaan banana hoga. hanumaan arthaat vah jisane apane abhimaan ka hanan kar liya hai.
0 Comments For "जानिए रहस्य क्यों धरा हनुमान जी ने पंचमुखी रूप"