jeevan mein aage badhane hetu vyakti nirantar prayaasarat rahata hai. saphalata ka koee shortakat nahin hota. ise praapt karane ke lie vyakti ko nirantar mehanat karanee hee hotee hai. kisee mukaam par
pahunchane ke lie vyakti ko apanee manjil ka bhee pata hona chaahie. isake bagair kiya gaya prayaas vyakti ko asaphalata kee or hee le jaata hai.
jeevan mein saphalata paane ke lie 7 yuktiyaan
(1) ekaagrata badhaen
saphal hone ke lie ekaagrata ka hona jarooree hai. ekaagrata yaanee kisee bhee ek hee vishay-vishesh par poorn dhyaan diya jaana. kisee vyakti ko tab tak saphalata nahin mil sakatee, jab tak ki vah ekaagr na ho. bina ruchi ke ekaagr hona kaaphee mushkil hai.
(2) samay ka mahatv samajhen
saphalata praapti mein samay ka kaaphee mahatv hai. jisane samay ke mahatv ko jaan liya usane sab kuchh pa liya. at: kisee bhee lakshy kee praapti hetu samay-prabandhan (taim mainejament) jaroor karen. kisee vidvaan ne theek hee kaha hai ki mainne samay ko khoya, samay ne mujhe. isee se pata chalata hai ki samay kitana keematee hai. yah bhee kaha gaya hai ki samay hee sona (gold) hai at: samay ko barabaad na karen.
(3) apanee shakti-saamarthy ka pata karen
apanee shakti-saamarthy ka hamen pata hona chaahie. hamesha lakshy aisa chunen, jo apanee shakti- saamarthy mein ho. kabhee bhee aisa lakshy chunane kee galatee nahin karen, jo svayan kee shakti-saamarthy se baahar ho. udaaharan ke lie kisee kee ruchi kala vishay lekar darshan shaastr mein saphalata praapt karane kee ho to use jabaradastee injeeniyaring ya doktaree ke lie prayaas nahin karana chaahie. nahin to asaphalata hee haath lagegee.
(4) karm karate rahen
vyakti ko saphalata praapti hetu karm karate rahana chaahie, kyonki isee mein kriya aur usaka parinaam donon shaamil hain. svaamee vivekaanand ne bhee kaha hai ki karm maanav svatantrata kee shaashvat ghoshana hai. hamaare vichaar, shabd aur karm ve dhaage hain jinase ham apane chaaron or ek jaal bun lete hain. hamen apana kaary sahee va shreshth disha mein hee karana chaahie. sahee ka sahee aur galat disha ka parinaam bhee galat hee hota hai.
(5) aashaavaadee bane rahen
vyakti ko hamesha aashaavaadee hee bane rahana chaahie. nakaaraatmak vichaar kabhee bhee man mein na laen. nakaaraatmak vichaaron se aatmavishvaas kam hota hai at: hamesha aashaavaadee drshtikon hee apanaen. is baare mein kaaphee puraanee ek kahaavat bhee hai ki man jeete jeet hai aur man ke haare haar. at: sakaaraatmak chintan shreshth rahega.
(6) jee-jaan se bhid jaen
ek baar manjil tay ho jaane ke baad aap jee-jaan se saphalata praapti hetu bhid jaen. isamen kotaahee baratana aapake lie uchit nahin kaha jaega. apane iraadon par drdh rahen va digen nahin. kaee baar isamen asaphalata ke avasar bhee aa sakate hain kintu aap apane drdh sankalp se us par paar pa lenge. aap aisa hee vishvaas banae rakhen.
(7) eeshvar se praarthana bhee karen
eeshvar se praarthana ka bhee apana mahatv hai. eesh praarthana se hrday va man-mastishk ke taar bhee jhankrt hote hain. anusandhaanon mein bhee paaya gaya hai ki niyamit mandir jaane tatha bhagavaan kee praarthana karane vaale hamesha aashaavaadee bane rahate hain, kyonki unake man mein yah bhaav rahata hai ki eeshvar mere saath hai. yah bhaav sakaaraatmakata kee or le jaata hai.
0 Comments For "केसे बढायें सफलता की और एक कदम ? 7 Tips"