ramesar kaaka ke paas ek lehada gaayen theen. ve pratidin subah hee in gaayon ko duh-daahakar charaane ke lie nikal padate the.
subah se lekar shaam tak ramesar kaaka gaayon ko lekar is gaanv se us gaanv, to kabhee nadee kinaare, to kabhee-kabhee is jangal se us jangal ghooma karate the aur din dhalate hee gaanv kee or nikal padate the.
jab ramesar kaaka gaayon ko charaane ke lie nikalate to sattu aur bhujaabharee ke saath hee kabhee-kabhee dahee, doodh aadi bhee le jaate aur bhookh lagane par kisee ped kee chhaaya mein baithakar khaate-peete. ramesar kaaka kabhee bhee apane saath paanee nahin le jaate aur na hee lota rakhate.
pyaas lagane par ya to ve nadee ka jal peete nahee to jangal, sareh (gaanv se baahar ka khula khet aadi bhaag jisamen door-door tak koee bastee, ghar aadi na ho) aadi mein hone par laathee se maarakar mahue aur aam aadi ke patte todakar unhen apane gamachhe kee ek chhor mein baandhate aur phir is gamachhe ke doosare chhor ko apane saath sada lie rahane vaalee dhotee ke ek chhor se baandhate tatha phir ise kisee kuen mein daalakar paanee nikaalate.
is vidhi ko jhonjh kahate hai, isamen bahut adhik paanee to nahin nikalata par 2-3 baar mein peene bhar ka paanee avashy nikal aata hai.
ek baar kee hai ki ramesar kaaka beemaar pad gae baat. ab unake gaay-goroo ko charaane kaun le jae? ve bahut pareshaan hue kyonki ek din bhee in gaayon ko charaane mein der hone par yah bolane lagatee theen aur khoonte ke paas hag-mootakar itana chakallas karatee theen ki khoonte ke aas-paas kee jagah sane gobar-maatee se bhar uthatee thee aur jabatak inhen khola nahin jaata rambhaatee rahateen.
ek din beeta, do din beeta par ramesar kaaka kee tabiyat theek nahin huee. ramekar kaakaab es in do dinon mein gaayon ke aage puaal ya khaanchee mein bhoosa-ghaas aadi daal deteen aur paanee aadi dikha dentee par gaen pyaas lagane par paanee to pee leteen par puaal aadi khaane ka naam nahin leteen aur bechainee se khoonton ke aas-paas ghooma karateen.
in do dinon mein to kuchh gaayon ne apana pagaha bhee tod diya aur charane ke lie bhaagane lageen. kaise bhee karake ramesar kaakaab es ne in gaayon par kaaboo kiya.
teesare din bhee ramesar kaaka kee tabiyat jab theek nahin huee to unhonne sanesa bhejakar apane sasuraal se apane saraput ghanesar ko bula liya. ghanesar sorah-satrah saal ka kishor tha aur bahut hee sundar tatha bhala-changa tha. ghanesar ne aate hee apane phoopha ka saara kaam sambhaal liya.
ghanesar bahut hee samajhadaar ladaka tha. vah pratidin bhinasahare 3 baje hee jag jaata aur nity kriya se nipatakar 5 baje tak padhaee karata aur usake baad gaayon ko kholakar charaane ke lie nikal padata.
vah apane saath apanee pustakon ka bethan le jaana kabhee nahin bhoolata. kisee charane vaalee jagah par gaayon ko charata chhodakar vah kisee ped aadi kee chhaaya mein baithakar padhaee karata.
ek baar kee baat hai ki gaayon ko charaate-charaate ghanesar ek jangal mein door tak nikal gaya. jangal bahut ghana nahin tha par bahut saaree jhaadiyon se pata pada tha. dopahar ka samay tha aur ab ghanesar ko pyaas bhee sataane lagee thee. ghanesar gaayon ko charata chhod jangal mein paanee kee talaash mein idhar-udhar daud-bhaag karane laga.
achaanak ek baragad ke ped ke neeche use ek bahut puraana kuaan dikh hee gaya. kuaan bahut hee puraana tha par usaka jagat haal mein hee pakkee eent se bandhava gaya jaan padata tha.
ghanesar ne ab der kie bina jangal mein kuchh jhaadiyon ke hare patte tode aur unhen apane gamachhe mein baandhakar jhonjh banaaya, phir apane phoopha kee tarah gamachhe ke ek chhor mein dhotee baandhakar use kune mein latakaaya. par kuen mein paanee ka satah bahut hee neeche tha aur jhonjh paanee tak nahin pahunch paaya.
usane laakh koshish kee, nae-nae hathakande apanae phir bhee paanee tak nahin pahunch paaya. ab vah paseene se tar-ba-tar ho gaya tha aur dhotee se sar par ke paseene ko pochhate hue usee kuen kee jagat par baithakar kuchh sochane laga. tabhee paayal kee chham-chham kee aavaaj ne usake sochane ke kram ko baadhit kar diya.
usane peechhe mudakar dekha to kuchh door par hiranee kee chaal se apane paayalon kee jhanakaar karate hue, chehare par halkee muskaan va gaalon par halkee laalee lie ek kishoree usake taraph badhee chalee aa rahee hai. vah avaak man se us kishoree ke roop-shrrngaar ke ras ka paan karane mein lag gaya.
us kishoree mein pata nahin kya jaadoo tha ki vah jyon-jyon kareeb aatee ja rahee thee, ghanesar usake apratim saundary mein khoya ja raha tha.
paas aakar sharaarateepan se us kishoree ne behichak man se ghanesar se poochha, "pyaas lagee hai kya?" ghanesar, jo ekatak us kishoree kee sundarata ka paan kie ja raha tha, ghabadaakar haan mein sar hila diya. kishoree aur aage badhee aur kuen ke jagat par pahunch kar apane donon haathon se anjalee banaee aur kuen mein jhuk gaee.
ghanesar abhee bhee us kishoree mein hee khoya hua tha. darasal us kishoree mein kuchh to aisa tha jo barabas ghanesar ko madamast karate ja raha tha, use apanee taraph aakarshit kie ja raha tha. kishoree ne kuen se apanee anjalee mein paaneebhar kar ghanesar kee or badhee. ghanesar bhee bina kuchh bole apane haathon kee anjalee banaakar apane munh mein sata diya.
kishoree apane anjalee ka paanee ghanesar ke anjalee mein udelana shuroo kiya aur ghanesar bhee amrt roopee jal ko peena shuroo kiya. haan, yah alag baat thee ki ghanesar kee anjalee se aadha paanee neeche gire ja raha tha kyonki vah paanee peene ke saath hee us kishoree ke chehare kee aakarshakata ko bhee ekatak peee ja raha tha.
na us kishoree ke anjalee ka paanee khatam ho raha tha aur na hee ghanesar kee pyaas bujhane ka naam le rahee thee. paanee peene-pilaane ka yah silasila lagabhag aadhe ghante chala aur jab kishoree ko laga ki yah vyakti to paanee kam apitu usako ekatak nihaarane ka kaam adhik kar raha hai to vah thodee asahaj hokar bolee, "aur pilaoon ki bas?" ab phir ghanesar ne kuchh bole keval na mein sir hila diya.
isake baad us kishoree ne ghanesar se ek maadakataabharee aavaaj mein phir poochha, "ab main chaloon?" phir ghanesar ne haan mein sir hila diya. kishoree phir hiranee kee chaal se pata nahin jangal mein kahaan kho gaee. ghanesar kuchh samay tak to chupachaap us kuen kee jagat par baitha raha aur phir achaanak pata nahin kya soojha ki uthakar gaayon kee or chal diya. gaayon kee disha mein badhate samay ghanesar koee pyaar bhara geet gunaguna raha tha.
gaayon ko lekar ghanesar ghar pahuncha. aaj vah bahut khush lag raha tha aur rah-rahakar koee premabhara geet chhed jaata tha. usakee bhookh-pyaas gaayab ho chukee thee aur usane apanee bua ke laakh kahane ke baad bhee raat ko kuchh nahin khaaya aur apanee khaat par sone chala gaya.
usakee aankhon se neend pooree tarah se gaayab thee aur pata nahin kyon use ek khushanuma bechainee satae ja rahee thee. vah lete-lete kabhee-kabhee khaat se uth jaata aur kuchh gunagunaane ke baad ya do-chaar kadam chahalakadamee karan ke baad phir se khaat par let jaata. use ekadam se samajh mein nahin aa raha tha ki vah kya kar raha hai ya usake saath aisa kyon raha hai ho.
achaanak vah jaagate hue ek svapn dekhane laga aur yah svapn kuchh aur nahin, bas aaj dinabhar ke usake kaaryakalaap the. usane apane ko gaay charaane ke lie jangal mein jaate hue dekha, phir kuen kee jagat par baitha dekha aur phir us kishoree ka aana aur use paanee pilaana. itana svapn dekhate hee ya yoon kahen ki yaad karate hee vah gadagad ho gaya par aage ghatit ghatana ko yaad karake kuchh to aisa hua ki use kaath maar gaya aur usane thook satak lee.
achaanak ghanesar ko pata nahin kya soojha ki vah darakar uthakar baith gaya. bina deree kie usane sirahaane rakhee maachees se ek tilee nikaala aur paas mein rakhe dhebaree ko jala diya. dhebaree kee dhundhalee roshanee mein usake maathe par aaee paseene kee boondon ko saaph dekha ja sakata tha. aap bata sakate hain ki usake saath aisa kyon hua?
darasal usake jehan mein yah savaal kured gaya ki vah kishoree itane gahare kuen se apane haath kee anjalee banaakar paanee kaise nikaal dee aur saath hee usane itanee der tak paanee piya phir bhee us kishoree ke anjalee ka paanee khatam hone ka naam kyon nahin le raha tha ?
usane bhoot-pret kee bahut saaree ghatanaen sun rakhee theen, usake munh se achaanak nikal pada ......... bhootanee ................. isake baad dare-sahame ghanesar ne us dibadibaatee (aise timatimaana kee lage ki ab bujh gaya) dhebaree ke prakaash mein hee baithe-baithe raat gujaar dee.
subah-subah dara-sahama ghanesar gaayon ko lekar sareh kee or nikal gaya. usane man mein ekadam se soch liya ki ab bhoolakar bhee us jangal kee or nahin jaoonga par kaheen na kaheen usake jehan mein us kishoree kee yaaden angadaee le rahee theen. na chaahate hue bhee us kishoree ka anupam saundaryavaan chehara usakee aankhon ke aage ghoom jaata aur apanee aakarshakata ka ehasaas kara jaata.
sareh mein gaayon ko charata chhod vah paas hee mein ek sookhee gadhahee ke kinaare ek aam ke ped ke neeche baithakar us kishoree ke baare mein sochane laga. use pata nahin kyon aisa lag raha tha ki vah kishoree ko kaaphee samay se jaanata hai, vah usakee parichit hai. us kishoree ka saundaryapoorn sharaaratee chehara yaad aate hee sahasa, sahama ghanesar muskura deta.
us ped ke neeche baithe-baithe sochate hue ghanesar ko pata hee nahin chala ki kab soory usakee sar par aa gaya aur daaliyon, patton ke beech se usake saath aankh-michaulee khelane laga.
ghanesar utha aur gaayon kee or chal diya. gaayon ko haank-haankakar ek paas karane ke baad phir vah us ped ke neeche aa gaya. ped ke neeche aakar ghanesar ne kaandhe par rakhee dhotee ko doharaakar bichha diya aur gamachhe ko sar ke neeche lagaakar vaheen let gaya.
sareh mein kuchh charavaahe ya kisaan najar aa rahe the. darane kee koee baat nahin thee kyonki din tha aur us sookhee gadhee ke ek kinaare rajamatiya kaakee pedon par se gire sookhee lakadiyon ko ekatr kar rahee theen. lete-lete ratajaga kie ghanesar ko pata nahin kab neend aa gaee.
par neend mein bhee vah sahama-sahama dikh raha tha par kabhee-kabhee usake chehare par ek ekaminatee muskaan aa jaatee, aisa lag raha tha ki vah kisee bhoot aur devata kee ladaee dekh raha hai, bhoot ka vikaraal roop use dara ja raha tha to devata ka us bhoot par haavee hona use harshit kar ja raha tha.
soe hue ghanesar ko pata nahin kya hua ki vah sakapaka gaya aur uth baitha. darasal use aisa laga tha ki koee makhamalee ungaliyon ko usake baalon mein piro raha hai aur rah-rahakar use sahala raha hai. aas-paas mein kisee ko na dekhakar use yah bhram laga par vah phir se soya nahin aur baithakar phir se us kishoree ke baare mein sochane laga.
achaanak ek tej hava uthee aur sarasaraate hue isake ird-gird chakkar kaatane lagee. hava ke us chakkar mein use ek ajeeb prem kee anubhooti ho rahee thee. vah hava dheere se vah kishoree manakar usake paas khada ho gaee aur muskuraate hue bolee, "kal se tum mere hee baare mein soch rahe ho na?" phir se ghanesar ne thuk satakakar haan mein sir hila diya.
us kishoree ne khilakhilaate hue kaha, "koee apano se darata hai? mujhase darane kee aavashyakata nahin. main aapako daraane nahin aaee hoon balki apanaapan ka ehasaas karaane aaee hoon. "isake baad pata nahin kyon, ghanesar ka dar kuchh kam hua aur vah ekatak hokar phir se us kishoree ke anupam saundary ka netrapaan karane laga.
yah silasila kuchh der chala aur phir se khilakhilaatee huee vah kishoree vahaan se gaayab ho gaee.
ab to aae din ghanesar us kishoree ke saath kaaphee samay bitaane laga. ve donon ab khulakar ek doosare se baat karane lage the. ghanesar use insaanee kahaaniyaan, apane gaanv-ghar kee baaten sunaata aur vah kishoree apane lok kee baat bataatee, apane jeevan ke rochakapoorn khisse sunaatee. aakhir ve donon itane kareeb aa gae ki sada ke lie ek saath jeene-marane kee kasmen kha lie.
kya ghanesar us bhootanee kishoree ko apana paaya? aakhir vah bhootanee apane lok kee kaun-kaun see baaten ghanesar ko bataatee thee. in sab rahasyamayee baaton se parada is kahaanee ke agale aur antim bhaag mein uth jaega. kaisee lagee yah bhootahee kaalpanik kahaanee?
apane vichaaron se avagat karaen taaki main jald se jald is kahaanee ko poora kar aap logon ke samaksh paros sakoon. prem se bolie,
jay bajarang balee.
0 Comments For "Hindi कहानी :- जब वह पड़ गया चुड़ैल के प्रेम में"