raat ke andhere mein maikoo apanee kaar ko daudae ja raha tha. maikoo ko khud kaar chalaana aur door-door kee yaatraen karana bahut hee
pasand tha. maikoo kee bagal vaalee seet par usaka dost ramesh baitha tha. ve donon mumbee se maihar bhagavatee ke darshan ke lie ja rahe the.
maikoo ke maata-pita ne laakh samajhaaya tha ki bete itanee lambee dooree tum log tren se saphar karo par maikoo maana nahin aur apane dost ke saath kaar se hee ho liya. raat ke kareeb 2 baje honge. kaar sadak par bhaagee ja rahee thee. rah-rahakar ikke-dukke trak aadi bhee gujar jaate the.
achaanak kaar mein kuchh gadabadee maaloom huee aur maikoo ne sadak kinaare kaar rok dee. maikoo kaar se neeche utarakar bonat khola aur jaanch-padataal karane laga. usaka dost ramesh kaar mein hee baitha raha tha. kaaphee kuchh idhar-udhar karane ke baad maikoo ne ramesh se kaar ko chaaloo karane ke lie kaha.
par yah kya ramesh to baar-baar chaabhiyaan ghuma raha tha par ab kaar staart hone ka naam hee nahin le rahee thee. itanee raat ko ve donon kya karen, kuchh samajh mein nahin aa raha tha. achaanak ramesh ke dimaag mein ek khyaal aaya aur vah sadak par khaden hokar ikkee-dukkee aane-jaanevaalee gaadiyon ko rokane ke lie haath se ishaara karane laga.
par koee gaadee rukane ko taiyaar nahin thee. aisa bhee ho sakata hai ki raat ka samay aur sunasaan ilaaka hone ke kaaran koee risk lena na chaahata ho. kyonki haive aadi par raat ko loot-paat aam baat thee.
achaanak unhen ek kaar unake paas aakar rookatee huee dikhaee dee. baaba aadam ke samay kee kaar lag rahee thee ya yoon kahen jaise kisee raaja-maharaaja kee kaar ho. kaar ke rookate hee maikoo bhaagakar us kaar ke paas gaya. us kaar mein draivar ke alaava 3 log aur baithe the. in 3 mein se ek mahila aur ek kishoree thee.
maikoo ne kaar mein baithe logon se kahana shuru kiya ki meree kaar kharaab gaee hai ho. kaheen agar aas-paas mein koee bastee ho ya gairaaj ho to vahaan tak use pahuncha diya jae. usakee baat ko sunate hee us kaar ka draivar neeche utara aur apanee kaar kee diggee mein se ek patala vaayar nikaala.
maikoo kuchh samajh paata tabatak vah draivar apanee kaar se maikoo kee kaar ko baandh diya tha. kaar ko baandhane ke baad us draivar ne ishaare se maikoo ko apanee stering seet par baithane ka ishaara kiya. maikoo ke stering par baithate hee ramesh bhee maikoo kee bagal vaalee seet par baith gaya.
ab unakee kaar ko kheenchate hue vah puraanee kaar ek kachche raaste se aage badhane lagee. maikoo aur ramesh nishchint lag rahe the, unhen kisee bhee prakaar ka dar nahin lag raha tha kyonki is puraanee kaar ke yaatree samrddh gharaane se lag rahe the. lagabhag 15-20 minat ke baad unakee kaar ek puraanee havelee ke saamane khadee thee.
maikoo aur ramesh apanee kaar se utar chuke the. doosare kaar se unaka draivar nikala aur robadaar aavaaj mein bola ki aap log andar chalen. abhee maikenik bulaakar aapake kaar ko theek kara diya jaega aur usake baad aap log apane raaste par nikal jaiega. maikoo aur ramesh kuchh kahe bina us draivar ke saath us puraanee havelee mein pravesh kar gae.
havelee bahut hee badee thee aur bahut hee puraanee lag rahee thee aur, ek baat maikoo aur ramesh ko chaunkaane vaalee thee ki itane samrddh logon ke rahate hue yah havelee itanee gandee kyon lag rahee hai. jagah-jagah jhaale latake hue the. ajeeb prakaar kee boo bhee aa rahee thee.
maikoo aur ramesh kasakar ek doosare ka haath pakade us boodhe draivar ke peechhe-peechhe havelee mein andar hee andar badhe ja rahe the. achaanak haath mein chiraag lie ek adhed mahila aaee jo thodee see daraavanee lag rahee thee usane ishaare hee ishaare mein us draivar se kuchh kaha. vah draivar maikoo aur ramesh ko us adhed mahila ke peechhe jaane ka ishaara karate hue khud hee doosaree taraph chala gaya.
vah adhend mahila un donon ko lekar ek bade kamare mein daakhil huee. yah kamara kaaphee achchha tha par yah chaunkaane vaalee baat lag rahee thee ki is puraanee, gandee havelee mein itana sundar, susajjit kamara kaise sakata hai ho. vah kamara dudhiya prakaash se bhara tha par yah prakaash kahaan se aa raha tha, kuchh pata nahin chal pa raha tha.
maikoo aur ramesh us kamare mein lagee aalishaan kursiyon par baith gae. unakee aav-bhagat shuru ho gaee thee par ab un donon ko bahut saaree baaten ajeeb lag rahee theen. ab us bade kamare mein kam se kam 12-15 log jama ho gae the. kaheen svaadisht bhojan kee khushaboo thee to kaheen paigon ka daur chalana shuru ho gaya tha.
maikoo to aae din door-door kee yaatraen karata tha. raat-biraat vah kaheen bhee chala jaata tha. use bhoot-pret par vishvaas to tha par vah ekadam nidar svabhaav ka tha. vah apane aap ko maan maiharavaalee ka bahut bada bhakt maanata tha aur varsh mein kam se kam do baar maan ke darshan avashy karata tha. usake gale mein maan kee maala hamesha latakee rahatee thee aur saath hee usake shart kee ooparee jeb mein ek chhota-sa durga chaaleesa.
use jab bhee thoda samay milata, is chaaleesa ko nikaalakar padh liya karata tha. par aaj nidar maikoo ko lagane laga tha ki vah aur usaka dost kisee bahut badee museebat mein phans gae hain. usake aas-paas ke logon ka vyavahaar kabhee-kabhee ajeeb chaunkaane vaala hota lag raha tha.
maikoo phir bhee dara nahin aur himmat se kaam liya. usane apane dost ko uthane ka ishaara kiya aur paas mein lage ek sophe par baithane ka ishaara kiya aur ishaare mein yah bhee kaha ki tum kasakar mera haath pakade rahana aur darana to bilakul nahin.
achchha to yah baat thee, ab maikoo aur ramesh jis sophe par baithe the, vahaan paas mein hee ek aaleeshaan sheesha (darpan) laga tha. maikoo kanakhee aankhon se rah-rahakar us sheeshe mein dekh le raha tha. ramesh ko ajeeb laga ki maikoo un kursiyon par se uthakar is sophe par kyon baitha. shaayad maikoo ramesh ke jehan mein uthanevaalee baat ko samajh liya tha.
usane use sheeshe mein dekhane ke lie ishaara kiya. are yah kya, jyonhee ramesh ne sheeshe mein dekha, usakee to sittee-pittee hee gum ho gaee. bhay se usaka chehara peela pad gaya. darasal us kaksh mein chalate-phirate achchhe log, is sheeshe mein bahut hee bhayaanak lag rahe the. itane bhayaanak kee ramesh ka kaleja usake munh ko aa gaya. vah paseene se pooree tarah bheeg gaya.
sheeshe mein usane yah bhee dekha ki yah log jo paanee ya madira pee rahe hain vah khoon jaisa lag raha hai. yah log jo kha rahe hain vah kisee kee maans ya haddiyaan lag rahee hain. vah to ab pooree tarah se pareshaan tha, kyonki use lag raha tha ki ab un donon ka bachana asambhav hai.
abhee ve aapas mein kuchh baat kar paate tabhee ek boodha, badee-badee moonchhon vaala unake paas upasthit hua. vah loee odhe hue tha aur usake peechhe-peechhe 2-3 sevak taip ke log (bhoot) the. vah budha muskuraate hue maikoo se kaha ki aaj usakee potee ka janmadin hai. achchha hua ki aap log bhee aa gae.
hamaaree potee ka janmadin dhoom-dhaam se manaaya jaega aur isamen shaamil hone vaale sabhee logon ko raajasee kapade pahanane honge. astu aap logon se gujaarish hai ki paas ke kamare mein jaakar apane pahanaave badal len. yah baat kahate hue vah boodha baar-baar maikoo ke gale mein latakatee huee maala ko dekh raha tha. us maala ke taraph jab bhee usakee najar jaatee vah thoda bhayabheet lagane lagata.
are tabhee achaanak ek khoobasoorat kishoree vahaan aa gaee aur us boodhe kee or dekhakar bolee ki daadaajee, is avasar par aap mujhe kya upahaar dene vaale hain. vah budha hansa aur maikoo tatha ramesh kee or dekhate hue bola ki betee toojhe main aisa upahaar doonga ki toon khushee ke maare jhoom jaegee. itana kahakar boodhe ne jor ka attahaas kiya. aisa laga ki usakee attahaas mein pooree havelee attahaas karane lagee hai. ab maahaul aur bhee daraavana hota ja raha tha.
khair maikoo ne apana vivek nahin khoya aur ramesh ka haath pakadakar pahanaava badalane ke lie paas ke batae kamare mein tejee se chala gaya. kamare mein pahunchakar jab ramesh dar ke maare apane kapade utaarane laga to maikoo ne use roka aur kaha, bevakoophee matakar. apane kapade ko pahanakar rakh aur saath hee usane apane jeb se durga chaaleesa ko nikaalakar ramesh kee jeb mein rakh diya aur kaha, dar mat.
dekha nahin ki mere gale kee maala ko dekhakar vah boodha kaisa bhayabheet lag raha tha. ab un donon ne vahaan rakhe keematee raajasee kapadon ko apane pahane hue kapadon ke oopar hee pahan lie. kapaden pahanane ke baad maikoo ne ramesh ka haath kasakar pakadate hue kaha ki tum darana mat. ham logon ke saath maan maiharavaalee hain aur unake rahate ye bhoot-pret ham donon ka kuchh bhee nahin bigaad sakate. isake baad ve donon kamare se nikalakar phir us bade kaksh mein aakar sophe par baith gae.
dekhate hee dekhate paartee shuru ho gaee. us boodhe kee potee kisee raajakumaaree se kam nahin lag rahee thee par usee ko sheeshe mein dekhane par vah ek maha kuroop, daraavanee saaya ke roop mein tabdeel ho ja rahee thee. vah kishoree prasann man se maikoo ke paas aaee aur usake kandhe par ek haath rakh dee.
are yah kya kandhe par haath rakhate hee aisa laga ki jaise us kishoree ko 440 bolt ka karent laga ho, abhee koee kuchh samajh paata, tabatak vah bahut door jaakar gir gaee. ab to vahaan hadakamp mach gaya. maikoo sab samajh raha tha, use laga ki yah jaroor usake gale kee maale ke kaaran hua hai.
us kishoree ke door girate hee kaee bhoot-pret use uthaane mein lag gae jabaki vah boodha daudakar maikoo ke paas aaya aur thoda tej aavaaj mein par darate hue bola ki mainne aapase kaha tha na ki aap apane kapade utaarakar hamaare yahaan ke kapade pahane. par aapane nahin maana. aap apane gale mein jo maala pahane hain, use bhee utaarakar rakh deejie, yahee hamaare yahaan kee pratha hai.
maikoo ne na mein sir hilaate hue kaha ki vah kisee bhee haalat mein is maale ko nahin utaarega aur itana kahate hee vah ramesh ka haath aur kasake pakadate hue khada ho gaya. ab to us kamare ka haal pooree tarah se bhayaavah ho gaya tha. jo log seedhe-saadhe lag rahe the. ab ve bhayaanak ho gae the. kuchh ke to bade-bade daant baahar nikal aae the to kuchh ajeeb harakat karate hue maikoo aur ramesh ko daraane kee koshish kar rahe the.
par kisee kee himmat nahin ho rahee thee ki in donon ke paas aaen. maikoo ne ramesh se kaha ki lagabhag subah hone vaalee hai aur subah hote hee yah bhootiya maaya door ho jaegee. isalie hamen kuchh samay aur nidarata ke saath inaka saamana karana hai.
isake baad ve donon phir se vaheen sophe par baithakar aankh band karake maan maiharavaalee bhagavatee ko goharaane lage. unake agal-bagal mein bahut saaree aavaajen, cheekh-pukaar aa rahee thee par ve in sabase bekhabar hokar bas maan ka naam hee lie ja rahe the.
kuchh samay ke baad achaanak aavaajen aanee band ho gaeen. maikoo aur ramesh ne ab apanee aankhen khol deen. ab vahaan in donon ke alaava koee nahin tha. are havelee bhee to nahin thee to kya ye donon sapana dekh rahe the. khair ve donon uthe aur vahaan se chalane ko taiyaar hue.
subah hone vaalee thee aur sooraj kee aabha us jangal mein dheere-dheere phailana shuru ho gaee thee. achaanak maikoo kaar ke paas gaya aur daravaaja kholakar baith gaya. usane kaar ko staart kee to vah bina der kie chaaloo ho gaee. ab usake bagal mein ramesh bhee baith chuka tha. ve jangal se baahar nikalakar ek kachche raaste par ho lie.
kuchh door aage chalane par unhen ek chaay kee taparee dikhaee dee. maikoo ne vaheen apanee kaar rok dee aur kaar se utarakar us taparee mein aa gaya. taparee mein aate hee dukaanadaar thoda dar se maikoo kee taraph dekhakar bola, "saahab, aap log subah-subah is jangal mein se kahaan se aa rahe hain? kaheen aap log raat ko hee nahin to ....... "maikoo ek tootee bench par baithate hue ab tak kee saaree ghatana suna dee.
dukaanadaar ne ek lambee saans lekar kaha ki achchha hua ki aap log sahee salaamat bach gae. nahin to kaee saare log in bhooton ke aise shikaar hue hain ki ya to ve paagal ho gae ya kisee badee beemaaree ke shikaar. isake baad us dukaanadaar ne sahamate hue apanee aapabeetee unako suna dee. kya gujaree thee us dukaanadaar par .......... khair yah kahaanee phir kabhee.
samaapt
yadi aapake paas hindee mein koee lekh, kahaanee, vyaapaar vichaar ya jaanakaaree hai jo aap hamaare saath sheyar karana chaahate hain to krpaya use apanee photo ke saath e-mel karen. hamaaree email id : www.247sarkarijob@gmail.com pasand aane par ham use aapake naam aur photo ke saath yahaan prakaashit karenge.
dhanyavaad!
0 Comments For "Hindi कहानी :- माँ का हो साथ तो भूत-प्रेत न भटकें पास"