ek jangal mein pahaad kee chotee par ek kila bana tha. kile ke ek kone ke saath baahar kee or ek ooncha vishaal devadaar ka ped tha. kile mein us raajy kee sena kee ek tukadee tainaat
thee. devadaar ke ped par ek ulloo rahata tha. vah bhojan kee talaash mein neeche ghaatee mein phaile dhalavaan charaagaahon mein aata.
charaagaahon kee lambee ghaason va jhaadiyon mein kaee chhote-mote jeev va keet-patange milate, jinhen ulloo bhojan banaata. nikat hee ek badee jheel thee, jisamen hanson ka nivaas tha. ulloo ped par baitha jheel ko nihaara karata. use hanson ka tairana va udana mantramugdh karata.
vah socha karata ki kitana shaanadaar pakshee hain hans. ekadam doodh-sa saphed, gulagula shareer, suraaheedaar gardan, sundar mukh va tejasvee aankhen. usakee badee ichchha hotee kisee hans se usakee dostee ho jae.
ek din ulloo paanee peene ke bahaane jheel ke kinaare ugee ek jhaadee par utara. nikat hee ek bahut shaaleen va saumy hans paanee mein tair raha tha. hans tairata hua jhaadee ke nikat aaya.
ulloo ne baat karane ka bahaana dhoondha- hans jee, aapakee aagya ho to paanee pee loon. badee pyaas lagee hai.
hans ne chaunkakar use dekha aur bola- mitr! paanee prakrti dvaara sabako diya gaya varadaan hain. is par kisee ek ka adhikaar nahin.
ulloo ne paanee peeya. phir sir hilaaya jaise use niraasha huee ho.
hans ne poochha- mitr! asantusht najar aate ho. kya pyaas nahin bujhee?
ulloo ne kaha- he hans! paanee kee pyaas to bujh gaee par aapakee baaton se mujhe aisa laga ki aap neeti va gyaan saagar hain ke. mujhamen usakee pyaas jag gaee hain. vah kaise bujhegee?
hans muskuraaya- mitr, aap kabhee bhee yahaan aa sakate hain. ham baaten karenge. is prakaar main jo jaanata hoon, vah aapaka ho jaega aur main bhee aapase kuchh seekhoon loonga.
isake pashchaat hans va ulloo roj milane lage. ek din hans ne ulloo ko bata diya ki vah vaastav mein hanson ka raaja hansaraaj hain. apana asalee parichay dene ke baad hans apane mitr ko apane ghar le gaya. shaahee thaath the. khaane ke lie kamal va naragis ke phoolon ke vyanjan parose gae aur na jaanen kya-kya durlabh khaady the, ulloo ko pata hee nahin laga. baad mein saumph-ilaichee kee jagah motee pesh kie gae. ulloo dang rah gaya.
ab hansaraaj ulloo ko mahal mein le jaakar khilaane-pilaane laga. roj daavat udatee. use dar lagane laga ki kisee din saadhaaran ulloo samajhakar hansaraaj dostee na tod le.
isalie svayan ko hansaraaj kee baraabaree ka banae rakhane ke lie usane jhoothamooth kah diya ki vah bhee ullooon ka raaja ulakaraaj hain. jhooth kahane ke baad ulloo ko laga ki usaka bhee pharj banata hain ki hansaraaj ko apane ghar bulae.
ek din ulloo ne durg ke bheetar hone vaalee gatividhiyon ko gaur se dekha aur usake dimaag mein ek yukti aaee. usane durg kee baaton ko khoob dhyaan se samajha. sainikon ke kaaryakram not kie. phir vah chala hans ke paas. jab vah jheel par pahuncha, tab hansaraaj kuchh hansaniyon ke saath jal mein tair raha tha. ulloo ko dekhate hee hans bola- mitr, aap is samay?
ulloo ne uttar diya- haan mitr! main aapako aaj apana ghar dikhaane apana mehamaan banaane ke lie le jaane aaya hoon. main kaee baar aapaka mehamaan bana hoon. mujhe bhee seva ka mauka den.
hans ne taalana chaaha- mitr, itanee jaldee kya hain? phir kabhee chalenge.
ulloo ne kaha- aaj to main aapako lie bina nahin jaoonga.
hansaraaj ko ulloo ke saath jaana hee pada.
pahaad kee chotee par bane kile kee or ishaara kar ulloo udate-udate bola- vah mera kila hai.
hans bada prabhaavit hua. ve donon jab ulloo ke aavaas vaale ped par utare to kile ke sainikon kee pared shuroo hone vaalee thee. do sainik burj par bigul bajaane lage. ulloo durg ke sainikon ke kaaryakram ko yaad kar chuka tha isalie theek samay par hansaraaj ko le aaya tha.
ulloo bola- dekho mitr, aapake svaagat mein mere sainik bigul baja rahe hain. usake baad meree sena pared aur salaamee dekar aapako sammaanit karegee.
nity kee tarah pared huee aur jhande ko salaamee dee gaee. hans samajha sachamuch usee ke lie yah sab ho raha hain. atah hans ne gadagad hokar kaha- dhany ho mitr. aap to ek shooraveer raaja kee bhaanti hee raaj kar rahe ho.
ulloo ne hansaraaj par raub daala- mainne apane sainikon ko aadesh diya hain ki jab tak mere param mitr raaja hansaraaj mere atithi hain, tab tak isee prakaar roj bigul baje va sainikon kee pared nikale.
ulloo ko pata tha ki sainikon ka yah roj ka kaam hain. dainik niyam hain.
hans ko ulloo ne phal, akharot va banaphsha ke phool khilae. unako vah pahale hee jama kar chuka tha. bhojan ka mahatv nahin rah gaya.
sainikon kee pared ka jaadoo apana kaam kar chuka tha. hansaraaj ke dil mein ulloo mitr ke lie bahut sammaan paida ho chuka tha.
udhar sainik tukadee ko vahaan se kooch karane ke aadesh mil chuke the. doosare din sainik apana saamaan sametakar jaane lage to hans ne kaha- mitr, dekho aapake sainik aapakee aagya lie bina kaheen ja rahe hain.
ulloo hadabada kar bola- kisee ne unhen galat aadesh diya hoga. main abhee rokata hoon unhen. aisa kah vah hoon hoon karane laga.
sainikon ne ulloo ka ghughuaana suna va apashakun samajhakar jaana sthagit kar diya. doosare din phir vahee hua. sainik jaane lage to ulloo ghughuaaya. sainikon ke naayak ne krodhit hokar sainikon ko manahoos ulloo ko teer maarane ka aadesh diya. ek sainik ne teer chhoda. teer ulloo kee bagal mein baithe hans ko laga. vah teer khaakar neeche gira va phadaphadaakar mar gaya. ulloo usakee laash ke paas shokaakul ho vilaap karane laga- haay, mainne apanee jhoothee shaan ke chakkar mein apana param mitr kho diya. dhikkaar hain mujhe.
ulloo ko aasapaas kee khabar se besudh hokar rote dekhakar ek siyaar us par jhapata aur usaka kaam tamaam kar diya.
seekh: jhoothee shaan bahut mahangee padatee hain. kabhee bhee jhoothee shaan ke chakkar mein mat pado.
0 Comments For "Hindi कहानी : झूठी शान न दिखाओ."