ek samay kee baat hai ek van mein haathiyon ka ek jhund rahata tha. us jhund ka saradaar chaturdant naamak ek vishaal, paraakramee, gambheer va samajhadaar haathee tha. sab usee kee chhatr-chhaaya mein sukh
se rahate the. vah sabakee samasyaen sunata. unaka hal nikaalata, chhote-bade sabaka baraabar khyaal rakhata tha. ek baar us kshetr mein bhayankar sookha pada. varshon paanee nahin barasa.
saare taal-talaiya sookhane lage. ped-paudhe kumhala gae dharatee phat gaee, chaaron aur haahaakaar mach gaya. har praanee boond-boond ke lie tarasata gaya. haathiyon ne apane saradaar se kaha- saradaar, koee upaay sochie. ham sab pyaase mar rahe hain. hamaare bachche tadap rahe hain.
chaturdant pahale hee saaree samasya jaanata tha. sabake dukh samajhata tha par usakee samajh mein nahin aa raha tha ki kya upaay karen. sochate-sochate use bachapan kee ek baat yaad aaee aur chaturdant ne kaha- mujhe aisa yaad aata hai ki mere daadaajee kahate the, yahaan se poorv disha mein ek taal hain, jo bhoomigat jal se jude hone ke kaaran kabhee nahin sookhata. hamen vahaan chalana chaahie. sabhee ko aasha kee kiran najar aaee.
haathiyon ka jhund chaturdant dvaara bataee gaee disha kee or chal pada. bina paanee ke din kee garmee mein saphar karana kathin tha, atah haathee raat ko saphar karate. paanch raatri ke baad ve us anokhe taal tak pahunch gae. sachamuch taal paanee se bhara tha saare haathiyon ne khoob paanee piya jee bharakar taal mein nahae va dubakiyaan lagaeen.
usee kshetr mein kharagoshon kee ghanee aabaadee thee. unakee shaamat aa gaee. saikadon kharagosh haathiyon ke pairon-tale kuchale gae. unake bil raunde gae. unamen haahaakaar mach gaya. bache-khuche kharagoshon ne ek aapaatakaaleen sabha kee. ek kharagosh bola- hamen yahaan se bhaagana chaahie.
ek tej svabhaav vaala kharagosh bhaagane ke hak mein nahin tha. usane kaha- hamen akl se kaam lena chaahie. haathee andhavishvaasee hote hain. ham unhen kahenge ki ham chandravanshee hain. tumhaare dvaara kie kharagosh sanhaar se hamaare dev chandrama rusht hain. yadi tum yahaan se nahin gae to chandradev tumhen vinaash ka shraap denge.
ek any kharagosh ne usaka samarthan kiya- chatur theek kahata hain. usakee baat hamen maananee chaahie. lambakarn kharagosh ko ham apana doot banaakar chaturdant ke paas bhenjege. is prastaav par sab sahamat ho gae. lambakarn ek bahut chatur kharagosh tha. saare kharagosh samaaj mein usakee chaturaee kee dhaak thee. baaten banaana bhee use khoob aata tha. jab kharagoshon ne use doot banakar jaane ke lie kaha to vah turant taiyaar ho gaya.
kharagoshon par aae sankat ko door karake use prasannata hee hogee. lambakarn kharagosh chaturdant ke paas pahuncha aur door se hee ek chattaan par chadhakar bola- gajanaayak chaturdant, main lambakarn chandrama ka doot unaka sandesh lekar aaya hoon. chandrama hamaare svaamee hain.
chaturdant ne poochha- bhee, kya sandesh lae ho tum?
lambakarn bola- tumane kharagosh samaaj ko bahut haani pahunchaee hain. chandradev tumase bahut rusht hain. isase pahale ki vah tumhen shraap den, tum yahaan se apana jhund lekar chale jao.
chaturdant ko vishvaas na hua. usane kaha- chandradev kahaan hain? main khud unake darshan karana chaahata hoon.
lambakarn bola, chandradev asankhy mrt kharagoshon ko shraddhaanjali dene svayan taal mein padhaarakar baithe hain, aaie, unase saakshaatkaar keejie aur svayan dekh leejie ki ve kitane rusht hain. chaalaak lambakarn chaturdant ko raat mein taal par le aaya. us raat poornamaasee thee. taal mein poorn chandrama ka bimb aise pad raha tha jaise sheeshe mein pratibimb dikhaee padata hain.
chaturdant ghabara gaya chaalaak kharagosh haathee kee ghabaraahat taad gaya aur vishvaas ke saath bola- gajanaayak, jara najadeek se chandradev ka saakshaatkaar karen to aapako pata lagega ki aapake jhund ke idhar aane se ham kharagoshon par kya beetee hai. apane bhakton ka dukh dekhakar hamaare chandradevajee ke dil par kya gujar rahee hai.
lambakarn kee baaton ka gajaraaj par jaadoo-sa asar hua. chaturdant darate-darate paanee ke nikat gaya aur soond chadramma ke pratibimb ke nikat le jaakar jaanch karane laga. soond paanee ke nikat pahunchane par soond se nikalee hava se paanee mein halachal huee aur chadramma ka pratibimb kaee bhaagon mein bant gaya aur vikrt ho gaya.
yah dekhate hee chaturdant ke hosh ud gae. vah hadabadaakar kaee kadam peechhe hat gaya. lambakarn to isee baat kee taak mein tha. vah cheekha- dekha, aapako dekhate hee chandradev kitane rusht ho gae! vah krodh se kaamp rahe hain aur gusse se phat rahe hain. aap apanee khair chaahate hain to apane jhund ke samet yahaan se sheeghraatisheeghr prasthaan karen varna chandradev pata nahin kya shraap den.
chaturdant turant apane jhund ke paas laut gaya aur sabako salaah dee ki unaka yahaan se turant prasthaan karana hee uchit hoga. apane saradaar ke aadesh ko maanakar haathiyon ka jhund laut gaya. kharagoshon mein khushee kee lahar daud gaee. haathiyon ke jaane ke kuchh hee din pashchaat aakaash mein baadal aae, varsha huee aur saara jal sankat samaapt ho gaya. haathiyon ko phir kabhee us or aane kee jaroorat hee nahin padee.
seekhah : chaturaee se shaareerik roop se balashaalee shatru ko bhee maat dee ja sakatee hai.
0 Comments For "Hindi कहानी : काम आई खरगोश की चतुराई"