bhojapuree mein ek kahaavat hai ki bhaagyashaalee ka hal bhoot haankata hai (bhageemaane ke har bhoot haankela). khair yah to ek kahaavat hai par agar kabhee aisa ho jae ki koee pret 24 son ghanta aapakee seva mein haajir ho jae to aapako kaisa lagega?
agar aap kisee aise bigadail, bhayaanak pret ko daantakar apana kaam karaen jise dekhakar achchhe-achchhon kee dhotee geelee ho jae to isase aashchary kee baat aur kya sakatee hai ho. par haan yah kahaanee kuchh aisee hee hai. ek kisaan kaise ek pret ko apane bas mein karake apana bahut saara kaam karaata tha, kaise kabhee-kabhee vah pret apane praanon kee bheekh maangate hue gidagidaata tha.
aakhir yah pret us kisaan ke changul mein phansa kaise? kya usakee koee majabooree thee ya kisaan ne koee tantr-mantr karake use apane bas mein kar liya tha? khair in sab rahasyamayee baaton se parada uthaane ke lie seedhe kahaanee par hee aa jaate hain.
baat tab kee hai jab ramesar kaaka gabadoo javaan the. ramesar kaaka ke pitaajee ek chhote-mote kisaan the aur khetee-kisaanee ke lie ek jodee bail hamesha rakhate the. unaka maanana tha ki agar khetee achchhee karanee hai to ek jodee achchhe bail hamesha daravaaje par hone hee chaahie.
us samay ramesar kaaka bhee khetee-baaree ke saath hee kuchh aur chhote-mote kaamon mein apane pitaajee kee madad karate rahate the. oonkheebavaga (oonkh buaee) se lekar biyaad (dhaan ke beej ka khet) banaane tak, kolhuaad mein ganne kee peraee se lekar gulavar jhonkaee tak, har kaam ramekar kaaka bakhoobee karate the.
ek baar kee baat hai ki ramesar kaaka ko apane taayar (bailagaadee) par bhoosa laadakar apane ek bahanoee ke vahaan pahunchaana tha. darasal unake bahanoee ka gaanv ek nadee ke khalaar mein padata tha jisase vahaan dhaan, gehoon aadi nahin ho paata tha, jisake chalate pashuon ko chaare ke laale pad jaate the.
isalie har saal ramesar kaaka apanee bailagaadee par bhoosa, puaal aadi laadakar inake yahaan pahuncha diya karate the.
din dhal chuka tha aur bailagaadee par bhoosa bhee lad chuka tha. ramesar kaaka naha-dhokar shaam ko lagabhag saat baje bailagaadee lekar nikale.
unhen apane bahanoee ke vahaan jaane mein lagabhag pooree raat ka samay lagata tha aur subah 4-5 baje pahunchate the. unhonne ek baaltee, ek lota aur ek dor apane paas rakh lee thee tatha saath hee bailon ko khaane ke lie ek jholee mein ged kee chhaantee bhee.
ramesar kaaka ke bail bahut hee samajhadaar the, jab ve ek baar raaste par chal padate the to gaduaan ko kaaphee aaraam milata tha kyonki ye bail bina haanke baraabar chalate hee rahate the.
isase ramesar kaaka ko baar-baar na bailon ko haankana padata tha aur na hee saamane se kisee gaadee aadi ke aane par said hee karana padata tha, kyonki aage se kisee gaadee aadi ke aane par bail khud hee kinariya jaate the. itana hee nahin ramesar kaaka kabhee-kabhee bailagaadee par jhapakee bhee le lete the aur bail aaraam se apane maarg par badhe chale jaate the.
ramesar kaaka ko ghar se nikale lagabhag 3-4 ghante ho chuke the. raat ke 10-11 baj chuke the aur ab ve jis kachche khurahuriya raaste se ja rahe the vah raasta pooree tarah se soona ho gaya tha. door-door tak kuchh bhee dikhaee nahin de raha tha. raat bhee andhere mein pooree tarah gaharee neend mein sone ke lie vyaakul ho uthee thee.
door-door tak sannaata aur us raaste ke kinaare uge hue bade-bade ghaas-phoos aur kuchh chhote-bade pedon ke siva kuchh bhee nahin tha. khair isase ramesar kaaka ko kya phark padata tha, unhen to isase bhee andhiyaaree raat mein door-door tak yahaan tak kee bihad ilaakon se hokar bhee jaane kee aadat thee. bailon kee raphtaar ab thodee dheemee ho chukee thee par ve rookane vaale nahin the, badhe chale ja rahe the apane maarg par.
bailagaadee dheere-dheere aage badh rahee thee aur ramesar kaaka kamar ko thoda aaraam dene ke lie ghikurakar jhapakee lena shuroo kar die the. raat ke us sannaate ko cheeratee bailon ke galon mein bandhee ghantiya bahut hee manohaaree dhvani utpann kar rahee theen. us andheree aadhee raat mein yah sumadhur dhvani kisee ko bhee neend kee god mein bhejane ke lie paryaapt thee. achaanak pata nahin kya hua ki bail thithakakar rook gae.
bailon ke thithakakar rookane se ramesar kaaka hadabadaakar uth baithe. andhere mein unhen kuchh dikhaee nahin diya. unhonne ek bail kee poonchh pakadakar jor se ek aavaaj nikaalee par bail phir se do kadam chalakar rooke hee nahin rukakar thoda peechhe bhee hat gae jisase bailagaadee ka santulan thoda bigad gaya. ramesar kaaka kisee anahonee kee aashanka se turat koodakar bailon ke paas aage aa gae aur bailon ke shareer par haath pherate hue chuchakaarane lage.
ab bail bhee thoda shaant hokar khade ho gae. isake baad ramesar kaaka us raaste par aage kee or najar daudaee par us dhutt andhere mein unhen kuchh dikhaee nahin diya par haan aisa jaroor laga ki aage shaayad kuchh log ho-halla kar rahe hain. unhen samajhate der nahin lagee ki aage kya maajara hai.
ramesar kaaka ko raat-biraat aisee paristhitiyon se baraabar saamana ho jaata tha. darasal aage bhoot-preton ka jamaavada tha aur ve is andheree raat mein khel khelane mein mast the. khair ramesar kaaka vaheen bailon ke paas hee rookakar aage ka jaayaja lene lage aur man hee man in bhoot-preton ko kos rahe the ki inhen khelana hee hai to thoda raasta chhodakar khelate.
ve vaheen rookakar intajaar karane lage ki bhoot-preton ka khel jald se jald band ho aur ve aage badhen par 10-15 minat tak intajaar karane ke baad bhee bhoot-pret raaste se hatane ka naam nahin le rahe the aur bail bhee ab kitana bhee haankane par aage badhane ka naam nahin le rahe the.
ramesar kaaka to pooree tarah se nidar svabhaav ke the. unhen kaahe ka dar. aur haan unake saath mein do bail bhee to the aur unhen pata tha ki agar bail thoda himmat dikhaenge to ye bhoot-pret unaka kuchh nahin bigaad paenge. unake dimaag mein ek vichaar aaya. ve ab bina deree kie bailon ke pagahon ko pakadakar bailon ke aage-aage chalane lage aur ab bail bhee unhen apane aage-aage chalata dekh dheere-dheere unake peechhe ho lie.
bhoot-preton ke paas pahunchate hee ek ajeeb ghatana ghatee. ve saare bhoot-pret ab ajeeb-ajeeb daraavanee aavaajen nikaalane lage. bail thode saham se gae the par ramekar kaaka ne himmat na haarate hue bailon ko chuchakaarate hue unhen aage kheenchane kee koshish karate rahe. jab ramesar kaaka thoda aage badhate to bhoot-pret bhee thoda aage badh jaate par raaste se hatate nahin aur phir se bhayankar-bhayankar roop banaakar daraavanee aavaajen karate.
ab ramesar kaaka ne taal thonkate hue un bhoot-preton ko chunautee de daalee. unhonne kaha ki himmat hai to aage badhon, peechhe kyon ghisak rahe ho. ek bada bhayankar pret ne bhayaanak aavaaj karate hue ekadam se ramesar kaaka ke paas hee aa gaya.
ramesar kaaka to pahale se hee pooree tarah se satark the, unhonne bina deree kie ek jor ka laat us pret ko de maara aur maar padate hee vah pret tilamilaakar thoda door hat gaya. ab kuchh bhoot-pret us maarg ke thode kinaare ho gae the aur thode dar-saham gae to the par ab aur bhee gussail lag rahe the.
ab ramesar kaaka kee buddhi bhee kaam nahin kar pa rahee thee kyonki ab to bail ekadam se aage badhane ka naam nahin le rahe the aur is bhayaavah andheree raat mein is samay ab kisee vyakti ke us raaste se aane-jaane kee koee ummeed bhee nahin thee aur ramesar kaaka subah tak ka intajaar bhee nahin karana chaahate the.
ramesar kaaka ko ek tarakeeb soojhee unhonne man hee man hanumaanajee ka naam liya aur kadakakar bole. tum itane saare aur mai akela, agar himmat hai to ek-ek karake aao. tum sabako dekhata hoon, yah kahate hue ramesar kaaka thahaaka maar kar hanse aur taalee thonkane lage. ramesar kaaka ka yah roop dekhakar bhooton ko laga ki yah to unaka majaak uda raha hai.
achaanak vahee bhayaanak pret jise ramesar kaaka ne ek laat maara tha, aage badha. aage badhakar usane apane dost bhoot-preton se kaha ki tum log ab tamaasha dekho. koee bhee aage na badhen, main isase ladane ke lie taiyaar hoon. ramesar kaaka usakee baat sunakar thode sahame par himmat nahin haaree, kyonki unhonne kitane saare preton se takkar lee thee aur sabako dhool chataaya tha.
isake baad ramesar kaaka ne vahaan khade sabhee bhoot-preton se kahana shuroo kiya ki aap logon kee yahee baat mujhe sabase achchhee lagatee hai ki aap log jo jabaan dete ho us par sada kaayam rahate ho. mujhe poora yakeen hai ki aap mein se koee bhee beech mein nahin aaega aur kaun jeeta aur kaun haara isaka bhee sahee-sahee phaisala karega.
isake baad ramesar kaaka us chunautee sveekaarane vaale bhoot kee or dekhakar bole ki agar main haar gaya to toon jo bhee bolega vah main karoonga, sada ke lie tera daas ho jaoonga. ab us bhoot se na raha gaya usane bhee taal thonkee aur tadapa, mujhe manjoor hai aur agar main bhee haar gaya to sada ke lie tera daas ho jaoonga.
isake baad to bina der kie ramesar kaaka aur us pret mein pataka-patakee shuroo ho gaee. kabhee ramesar kaaka oopar to kabhee vah pret. 10 minat tak ladate-ladate donon thakane lage the par ek doosare mein gutham-gutthee jaaree thee.
ab ramesar kaaka ko lagane laga tha ki kaheen ve kamajor na pad jaen par unhonne himmat nahin haaree aur ladate-ladate dheere-dheere paas khade bailon kee or badhane lage. are yah kya yah to ramesar kaaka kee ek chaal thee jo us aatma par bhaaree pad chukee thee, darasal ladate-ladate donon bailon ke beech mein aate hee pata nahin bailon ko kya hua ki ve apanee jagah par hee rahakar idhar-udhar apana pair patakate -patakate abhee vah pret kuchh samajh paata usase pahale hee use lahuluhaan kar die.
darasal ve donon bail keval us pret ko hee nishaana bana rahe the aur apane pairon se maar-maarakar, kuchal-kuchalakar use adhamara kar die. ab kya us pret ke kamajor padate hee ramesar kaaka us pret ko donon bailon ke beech se kheenchakar baahar lae aur use litaakar usake seene par baith gae. bhoot-preton ne hee ramesar kaaka ke jeet kee ghoshana kee. ab vah pret ramesar kaaka ka daas ban chuka tha.
ramesar kaaka ke jeevan mein yah shaayad aisee ghatana thee jo shaayad us samay ke kisee bhee insaan ke jeevan mein na ghatee ho aur na hee bhavishy mein ghate. ramesar kaaka bahut khush the par paseene se pooree tarah bheeng gae the. unhonne gamachhe se apana paseena pochha aur us pret se kahe ki ab hamaare bailagaadee ke aage-aage chal. ab vah pret kare bhee to kya, jabaan de chuka tha aur apane jabaan ko tod nahin sakata tha.
kuchh door chalane ke baad ramesar kaaka ko laga ki agar aise chalate rahe to kal din mein 10-11 baje tak bhee bahanoee ke gaanv nahin pahunch paenge. unako ek tarakeeb soojhee. unhonne bailagaadee ke aage chalate pret ko haank lagaee aur use apane paas bulaaya. apane paas bulaane ke baad unhonne us pret se kaha ki teree vajah se main kaaphee let ho chuka hoon.
ab ek hee upaay hai ki toon is bailagaadee mein jud aur ise kheenchakar le chal. ab pret kare bhee to kya. ramesar kaaka ne bailon ko kholakar unhen bailagaadee ke peechhe baandh diya aur us pret ko bailagaadee mein jot die. phir vah pret bailagaadee ko lekar badha. jab bhee vah pret thoda dheera hota, ramesar kaaka usakee peeth par do-chaar danda bajaate aur vah tejee se bhaagane lagata.
bhinasahare kareeb 3-4 baje hee ramesar kaaka apane bahanoee ke ghar pahunch chuke the. ghar ke baahar hee unake bahanoee ka ghaas-phoos se chhaaya hua ek bhusaula tha. ramesar kaaka ne apane bahanoee ko jagaana uchit nahin samajha aur us pret ko aadesh dekar saara bhoosa us bhusaule mein rakhava diya.
pret ne lagabhag aadhe ghante mein saara bhoosa bhusaule mein rakh diya tha. bailagaadee khaalee ho chukee thee aur ramesar kaaka bailon ko bahanoee ke hee naand par baandhakar saanee-paanee kar die the aur khud hee vaheen padee ek bansakhatiya par so gae the.
paanch baje ke kareeb jab ramesar kaaka ke bahanoee jage to unhen bahut aashchary hua. unhonne dekha kee ramesar to bansakhatiya par soya hai. yah kab aaya aur yah bhoosa bhee utaarakar bhusaule mein rakh diya. unako kuchh bhee samajh mein nahin aa raha tha, bas sab chamatkaar jaisa lag raha tha.
kyonki aisa pahale kabhee nahin hua tha. har baar ramesar kaaka ke bahanoee khud ramesar kaaka ke saath milakar bhoosa utaarakar bhusaule mein rakhate the. khair unako kya pata ki yah sab kisee bhoot ka kamaal hai.
ramesar kaaka aaraam se jage. paanee-onee piya phir bailon ko naad se ukadaakar chhaanv mein baandh diya aur usee din phir se raat ko khaana-ona khaakar kareeb raat ke 11 baje apanee bahan ke ghar se chale. kyonki ab unako pata tha ki gaanv pahunchane mein 10-12 ghante nahin 5-6 ghante lagane vaale hain.
jee haan phir se ramesar kaaka jab bailon ko jotakar bailagaadee ko lekar apane bahanoee ke gaanv ke baahar pahunche to sunasaan dekhate hee bailagaadee mein se bailon ko kholakar gaadee mein peechhe baandh die aur us pret ko jota lagaakar gaadee mein jot die.
subah-subah ramesar kaaka apane gaanv ke paas pahunch gae the.
ab unako lagane laga tha ki kaheen koee yah dekh na le ki bail to peechhe bandhe hain aur phir bhee bailagaadee tejee se aage kee or badh rahee hai, isalie unhonne us pret ko chhudaakar bailon ko gaadee mein jot diya tha.
bolie jay bajarang balee. ramesar kaaka to ab us pret se bahut saara kaam karavaana shuroo kar die the par sada dhyaan rakhate ki isakee bhanak kisee gaanv vaale ko na lage, nahin to sab gud-gobar ho jaega.
aage kya hua bataenge agalee kahaanee mein. par yah kahaanee bhee apane aap mein poorn ho chukee hai. agar isaka agala bhaag na bhee aakar ek doosaree kahaanee bhee aa jae to bhee theek hee hai.
kaalpanikata kabhee-kabhee sach bhee hotee hai par main to abhee yahee kahoonga ki in kahaaniyon ko keval manoranjan ke roop mein len. yah kahaanee pooree tarah se kaalpanikata par aadhaarit hai.
jay bajarang balee.
samaapt
yadi aapake paas hindee mein koee lekh, kahaanee, vyaapaar vichaar ya jaanakaaree hai jo aap hamaare saath sheyar karana chaahate hain to krpaya use apanee photo ke saath ee-mel karen. hamaaree pahachaan hai: www.kuchhhnaya1994@gmail.chom pasand aane par ham use aapake naam aur photo ke saath yahaan prakaashit karenge.
dhanyavaad!
0 Comments For "Hindi कहानी :- प्रेत को मिली उसकी गलती की अनोखी सजा"