baat bahut hee puraanee hai. kisee parvat kee talahatee mein ramesarapur naam ka ek bahut hee ramaneey gaanv tha. is gaanv ke mukhiya ramesar kaaka the. sabhee gaanvavaasee ramesar kaaka kee bahut hee ijjat karate the aur unake vichaaron, sujhaavon ko pooree tarah
maanate the. ramesar kaaka kee ek hee santaan thee, chanda. 15-16 kee umr mein bhee chanda ka natakhatapan gaya nahin tha.
vah bahut hee sharaaratee thee, usake chehare par kaheen bhee shodashee ka sharmeelaapan najar nahin aata par haan usake chehare se usaka bholaapan jaroor chhalakata. us samay har maan-baap kee bas ek hee khvaish hotee thee ki unakee ladakee ko achchha ghar-var mil jae aur vah apane sasuraal mein khush rahe. ramesar kaaka bhee chanda ke lie aas-paas ke gaanvon varadekhua banakar jaana shuroo kar die the.
ek baar paas ke ek gaanv ke unake mukhiya mitr ne kaha ki unakee najar mein ek ladaka hai, agar aap taiyaar hon to main baat chalaoon? ramesar kaaka ke haan karate hee unake mukhiya mitr kee aguaee mein chanda ka vivaah tay ho gaya. chanda ka pati nadesar us samay kolakaata mein kuchh kaam karata tha. nadesar dekhane mein bahut hee seedha-saadha aur sundar yuvak tha.
vah ramesar kaaka ko pooree tarah se bha gaya tha. khair shaadee huee aur ramesar kaaka ne nam aankhon se chanda ko vida kiya. kuchh hee dinon mein chanda apane sasuraal mein bhee sabakee priy ho chukee thee. 1-2 maheena chanda ke saath bitaane ke baad nadesar bhaaree man se kolakaata kee raah par nikal pada.
chanda ne nadesar ko samajhaaya ki kamaana bhee jarooree hai aur 5-6 maheene kee hee to baat hai, divaalee mein aapako phir se ghar aana hee hai, tab tak main najaren bichhae aapaka intajaar prasann man se kar loongee.
kolakata pahunchane par nadesar ne phir se apana kaam-dhandha shuroo kiya par kaam mein usaka man hee nahin lagata tha. baar-baar chanda ka sharaaratee chehara, usake aankhon ke aage ghoom jaata. vah jitana bhee kaam mein man lagaane kee koshish karata utana hee chanda kee yaad aatee.
nadesar kee yah bekaraaree din va din badhatee hee ja rahee thee. usane apane dil kee baat apane saath kaam karane vaale apane 5 mitron ko bataee. ye paanchon usake achchhe mitr the. nadesar din-raat apane in paanchon doston se chanda kee khoobasooratee aur usake sharaarateepan ka bakhaan karata rahata.
paanchon mitr chanda ke baare mein sun-sunakar usakee khoobasooratee kee ek chhavi apane-apane man mein bana lie the aur ab baar-baar nadesar se kahate ki bhaabhee se kab milava rahe ho. nadesar kahata ki main to khud hee usase milane ke lie bekaraar hoon par samajh nahin pa raha hoon ki kaise miloon?
khair ab nadesar ke paanchon doston ke dimaag mein jo ek bhayaanak, ghinaunee khichadee pakanee shuroo ho gaee thee usase nadesar pooree tarah anabhigy tha. usake paanchon doston ne ek din nadesar se kaha ki yaar, bhaabhee ko yaheen le aao.
kuchh din rahegee, kolakata bhee ghoom legee to usako bahut achchha lagega aur phir 1-2 haphte mein use vaapas chhod aana. par nadesar apane boodhe maan-baap ko yaadakar kahata ki nahin yaaron, main aisa nahin kar sakata, meree amma aur baaboo kee dekhabhaal ke lie gaanv mein chanda ke alaava aur koee nahin hai.
kuchh din aur beete par ye beetate din nadesar kee bekaraaree ko aur bhee badhaate ja rahe the. ab to nadesar ka kaam mein ekadam se man nahin lag raha tha aur use bas gaanv dikhaee de raha tha. ek din raat ko nadesar ke paanchon doston ne nadesar se kaha ki chalo ham log tumhaare gaanv chalate hain.
nadesar abhee kuchh samajh paata ya kah paata tabatak usake un paanch doston mein se nikesh naamak dost ne kaha ki yaar tensan mat le. kah dena ki abhee kaam kee mandee chal rahee hai isalie gaanv aa gaya. aur saath hee isee bahaane ham mitr log bhee tumhaara gaanv dekh lenge aur bhaabhee ke saath hee tumhaare maata-pita se bhee mil lenge kyonki ham logon ka to gaanv bhee nahin hai.
isee kolakate mein paida hue aur kolakate ko hee apana ghar bana lie. ham log bhee chaahate hain ki kuchh din ganvee aabohava ka aanand len. nadesar to ghar jaane ke lie bekaraar tha hee, use apane doston kee baat bhalee lagee. phir kya tha doosare din hee nadesar apane un paanch doston ke saath apane gaanv ke lie nikal pada.
usake gaanv ke aas-paas mein bahut saare ghane jangal the. is parvateey ilaake ke in pahaadavaasiyon ke alaava agar koee anajaana ja jae to vah jaroor raasta bhatak jae aur hinsak jaanavaron ka ban shikaar jae.
taren aur bas kee yaatra karate-karate aakhirakaar nadesar apane paanch doston ke saath apane gaanv ke paas ke ek chhote se bas steshan par pahunch hee gaya. is steshan se usake gaanv jaane ke lie achchhee kachchee sadak bhee na thee. jangal mein chalane se bane pagadandiyon se, ubad-khaabad raaste se hokar jaana padata tha.
jangal mein chalate-chalate jab nadesar se nikesh ne poochha ki bhaee nadesar abhee tumhaara gaanv kitanee door hai to nadesar ne prasann hokar kaha ki yaar ab ham log pahunchane hee vaale hain. nadesar kee baat sunate hee nikesh haanphane ka naatak karate hue vaheen baithate hue bola ki yaar ab mujhase chala nahin jaata.
usakee baat sunate hee nadesar ne kaha ki yaar ham log pahunch gae hain aur ab mushkil se 5 minat bhee nahin lagenge. par nadesar kee baaton ko anasunee karate hue usake any chaar dost bhee nikesh ke paas hee baith gae. ab nadesar bechaara kya kare, use bhee rookana pada.
nadesar ke rookate hee nikesh ne apane haath mein lie jhole mein se ek achchhee naee sari aur saath hee choodee aadi nikaalate hue kaha ki yaar nadesar, ham log bhaabhee se pahalee baar milane vaale hain, isalie usake lie kuchh upahaar lae hain. usakee baat sunate hee nadesar ne kaha ki yaaron isakee kya jaroorat thee.
par nikesh ne hansakar kaha ki jaroorat thee bhaee, hamaaree bhee to bhaabhee hai, ham pahalee baar usase mil rahe hain, to bina kuchh die kaise rah sakate hain. isake baad nikesh ne kutil muskaan chehare par laate hue nadesar se kaha ki yaar nadesar, kyon na bhaabhee ko sarapraij diya jae.
ek kaam karo, tum ghar jao aur bina kisee ko batae bhaabhee ko ghumaane ke bahaane yahaan lao, ham log yahaan bhaabhee ko yah sab upahaar de denge aur usake baad phir se tum donon ke saath tumhaare ghar chal chalenge.
bhola nadesar haan mein haan milaate hue tej kadamon se ghar kee or gaya aur lagabhag 30-40 minat ke baad chanda ko lekar doston ke paas vaapas aa gaya. phir kya tha, chanda se ve paanchon dost ekadam se apanee bhaabhee kee tarah mile. chanda ko bhee bahut achchha laga. isake baad jab chanda ne unhen ghar chalane ke lie kaha to achaanak unake tenvar thode se badale najar aae.
nikesh aur nadesar ke any chaar dost chanda aur nadesar ke paas pooree sakhtee se khade ho gae the. chanda aur nadesar kuchh samajh paate isase pahale hee nikesh ne daant bheenjate hue tej aavaaj mein nadesar se kaha ki saale, main apanee bahan kee shaadee tumase karana chaahata tha par tum bina batae gaanv aakar apanee kar lie.
usakee baat sunakar nadesar ne bholepan se kaha ki nikesh bhaee, aapane to kabhee hamase apanee bahan kee shaadee ke baare mein baat bhee nahin kee thee aur jab main ghar aaya tha to yahaan maan-baaboo ne shaadee kar diya tha. bhala main unhen mana kaise kar sakata tha. par nadesar kee in bholee baaton ka un paanch daityon par koee asar nahin hua. unamen se do ne nadesar ko kasakar pakad lie the aur teen chanda ka cheeraharan karane lage the.
abhee nadesar ya chanda chillaakar aavaaj laga paate isase pahale hee un donon ke munh mein kapade thoons die gae. phir nivastr chanda aur ghanesar ko uthaakar ve log kuchh aur ghane jangal mein le gae. ghane jangal mein le jaakar un logon ne nadesar kee hatya kar dee aur chanda kee ijjat se khel baithe.
lagabhag ve paancho narapishaach ghanton tak chanda ko daagadaar karate rahe, vah chillaatee rahee, bheekh maangatee rahee par un bhediyon par koee asar nahin hua. antatah apanee vaalee karane ke baad un paanchon ne chanda ko bhee maut ke ghaat utaarakar, vaheen jangal mein sukhee pattiyon mein unhen dhankakar aag laga die.
aag lagaane ke baad ye paancho dost jidhar se aae the, udhar ko bhaag nikale. jangal jalane laga aur jalane lage chanda aur nadesar ke jism. sab kuchh svaaha ho gaya tha. is aag se aas-paas ke gaanvavaalon ko kuchh bhee lena dena nahin tha, kyonki jangal mein aag lagana koee bahut badee baat nahin thee. kabhee bhee koee bhee apanee lanthee mein jangal mein aag laga diya karata tha.
dheere-dheere samay beetane laga. raat tak jab chanda aur nadesar ghar nahin aae to nadesar ke pitaajee ne nadesar ke aane aur chanda ko lekar jaane kee baat apane padosiyon ko bataee. usee raat ko nadesar aur unake kuchh padosee mashaal lekar chanda aur nadesar ko khojane nikal pade. kaaphee khojabeen ke baad bhee in donon ka pata nahin chala. doosare din subah pulis mein khabar dee gaee par pulis bhee kya karatee.
thoda-bahut chhaanabeen kee par un donon ka koee pata nahin. ab nadesar ke maan-baap aur gaanvavaalon ko lagane laga tha ki nadesar apanee bahuriya ko lekar bina batae kolakaata chala gaya. shaayad use dar tha ki agar baaboo ko bataakar le jaenge to ve le jaane nahin denge.
aakhir kolakaata mein nadesar kahaan rahata hai, kya karata hai, in sab baaton ke baare mein bhee nadesar ke maata-pita aur gaanvavaalon ko bahut kam hee pata tha. dheere-dheere karake 8-9 maheene beet gae. ab nadesar ke maata-pita bina nadesar aur chanda ke jeena seekh gae the.
idhar kolakaata mein ek din achaanak nikesh ke ghar par koharaam mach gaya. hua yah tha ki kisee ne bahut hee berahamee se usake guptaang ko daanton se kaat khaaya tha, usake shareer par jagah-jagah bhayaanak daanton ke nishaan bhee pade the aur vah is duniya ko vida kar gaya tha. pulis ke poochhataajh mein usake gharavaalon ne bataaya ki pichhale 1 maheene se nikesh ka kisee ladakee ke saath chakkar tha.
ve donon baraabar ek doosare se milate the par ladakee kaun thee, kaisee thee, kisee ne dekha nahin tha. par isee dauraan pulis ko nikesh kee bahan se ek ajeeb va daraavanee baat pata chalee. nikesh kee bahan ne bataaya ki ek din jab nikesh ghar se nikala to vah bhee peechhe-peechhe ho lee thee. nikesh bastee se nikalakar ek sunasaan raaste mein banee ek puliya par baith gaya tha.
vahaan se main lagabhag 20 meetar kee dooree par ek bijalee ke khambhe kee aad mein khada hokar usapar najar rakh rahee thee. mujhe bahut hee ajeeb laga kyonki aisa lag raha tha ki nikesh kisee se baat kar raha hai, kisee ko puchakaar raha hai par vahaan to nikesh ke alaava koee tha hee nahin. phir mujhe laga ki kaheen nikesh bhiya paagal to nahin ho gae hain na. abhee main yahee sab soch rahee thee tabhee ek bhayaanak, kaalee chhaaya mere paas aakar khadee ho gaee.
vah chhaaya bahut hee bhayaanak thee par chhaaya to thee par chhaaya kisakee hai, yah samajh mein nahin aa raha tha. main pooree tarah se dar gaee thee. phir achaanak vah chhaaya attahaas karane lagee aur chillaee, "ab tera bhaee nahin bachega. nocha tha na mujhe, main bhee use noch-nochakar kha jaoongee. aur haan ek baat toon yaad rakh, agar yah baat kisee ko bhee bataee to main tere poore ghar ko barabaad kar doongee. "itana kahate hee nikesh kee bahan subak-subak kar rone lagee.
itana sunate hee pulis aur aas-paas jute log sakate mein aa gae aur pooree tarah se dar bhee gae. kyonki nikesh ka jo haal hua tha, vah yah bayaan kar raha tha ki isake saath jo hua hai vah kisee insaan ne nahin apitu bhoot-pret ne hee kiya hoga.
yah kahaanee yaheen samaapt hotee hai. par isake agale bhaag ke roop mein ek kahaanee aur aa sakatee hai ki kya nikesh ka yah haal kisee bhoot-bhootanee ne hee aisa kiya tha ya kisee aur ne. kaheen chanda to nahin ya nadesar? nikesh ke any chaar doston ke saath bhee kuchh hua kya?
samaapt
yadi aapake paas hindee mein koee lekh, kahaanee, vyaapaar vichaar ya jaanakaaree hai jo aap hamaare saath sheyar karana chaahate hain to krpaya use apanee photo ke saath ee-mel karen. hamaaree pahachaan hai: www.kuchhhnaya1994@gmail.chom pasand aane par ham use aapake naam aur photo ke saath yahaan prakaashit karenge.
dhanyavaad!
0 Comments For "Hindi कहानी :- भूतनी का बदला"