Tuesday, January 19, 2016
ek van mein ek ped kee khoh mein ek chakor rahata tha. usee ped ke aas-paas kaee ped aur the, jin par phal va beej ugate the. un phalon aur beejon se pet bharakar chakor mast pada rahata. isee prakaar kaee varsh beet gae.
ek din udate-udate ek aur chakor saans lene ke lie us ped kee tahanee par baitha. donon mein baaten hueen. doosare chakor ko yah jaanakar aashchary hua ki vah keval vah keval pedon ke phal va beej chugakar jeevan gujaar raha hai.
doosare ne use bataaya, bhee, duniya mein khaane ke lie keval phal aur beej hee nahin hote aur bhee kaee svaadisht cheejen hain. unhen bhee khaana chaahie. kheton mein ugane vaale anaaj to bejod hote hain. kabhee apane khaane ka svaad badalakar to dekho.
doosare chakor ke udane ke baad vah chakor soch mein pad gaya. usane phaisala kiya ki kal hee vah door najar aane vaale kheton kee or jaega aur us anaaj naam kee cheej ka svaad chakhakar dekhega.
doosare din chakor udakar ek khet ke paas utara. khet mein dhaan kee phasal ugee thee. chakor ne kompalen khaeen. use ve svaadisht lageen. us din ke bhojan mein use itana aanand aaya ki khaakar trpt hokar vaheen aakhen moondakar so gaya. isake baad bhee vah vaheen pada raha. roj khaata-peeta aur so jaata. chhah-saat din baad use sudh aaee ki ghar lautana chaahie.
is beech ek kharagosh ghar kee talaash mein ghoom raha tha. us ilaake mein jameen ke neeche paanee bharane ke kaaran usaka bil nasht ho gaya tha. vah usee chakor vaale ped ke paas aaya aur use khaalee paakar usane us par adhikaar jama liya aur vahaan rahane laga. jab chakor vaapas lauta to usane paaya ki usake ghar par to kisee aur ka kabja gaya hain ho. chakor krodhit hokar bola, ai bhaee, too kaun hain aur mere ghar mein kya kar raha hai?
kharagosh ne daant dikhaakar kaha, main is ghar ka maalik hoon. main saat din se yahaan rah raha hoon, yah ghar mera hai.
chakor gusse se phat pada, saat din! bhaee, main is khoh mein kaee varshon se rah raha hoon. kisee bhee aas-paas ke panchhee ya chaupae se poochh lo.
kharagosh chakor kee baat kaatata hua bola, seedhee-see baat hai. main yahaan aaya. yah khoh khaalee padee thee aur main yahaan bas gaya, main kyon ab padosiyon se poochhata phiroon?
chakor gusse mein bola, vaah! koee ghar khaalee mile to isaka yah matalab hua ki usamen koee nahin rahata? main aakhiree baar kah raha hoon ki sharaaphat se mera ghar khaalee kar de varna ....
kharagosh ne bhee use lalakaara, varna too kya kar lega? yah ghar mera hai. tujhe jo karana hai, kar le.
chakor saham gaya. vah madad aur nyaay kee phariyaad lekar padosee jaanavaron ke paas gaya sabane dikhaave kee hoon-hoon kee, parantu koee sahaayata karane saamane nahin aaya.
ek boodhe padosee ne kaha- jyaada jhagada badhaana theek nahin hoga. tum donon aapas mein koee samajhauta kar lo. par samajhaute kee koee soorat najar nahin aa rahee thee, kyonki kharagosh kisee shart par khoh chhodane ko taiyaar nahin tha. ant mein lomri ne unhen salaah dee, tum donon kisee gyaanee-dhyaanee ko panch banaakar apane jhagade ka phaisala usase karavao.
donon ko yah sujhaav pasand aaya. ab donon panch kee talaash mein idhar-udhar ghoomane lage. isee prakaar ghoomate-ghoomate ve donon ek din ganga kinaare aa nikale. vahaan unhen jap-tap mein magn ek billee najar aaee. billee ke maathe par tilak tha. gale mein janeoo aur haath mein maala lie mrgachhaal par baithee vah pooree tapasvinee lag rahee thee.
use dekhakar chakor va kharagosh khushee se uchhal pade. unhen bhala isase achchha gyaanee-dhyaanee kahaan milega? kharagosh ne kaha, chakor, kyon na ham isase apane jhagade ka phaisala karavaen?
0 Comments For "कहानी : तपस्विनी बिल्ली"