saamaajik jeevan mein apane aasapaas ke logon ka bura vyavahaar aksar hamen dukhee aur niraash karata hai lekin is tarah kee sthitiyon ko khud par haavee na hone den balki unase pooree sakaaraatmakata ke saath nipaten.
daphtar se lekar aas-pados tak ham khud ko aise logon aur aise vyavahaar ke beech paate hain jo hamaare bheetar asantulan aur asahajata paida karata hai. jo hamaare bheetar kee shaanti mein khalal paida karata hai.
doosaron ka katutaapoorn vyavahaar haalaanki hamen bahut takaleeph pahunchaata hai lekin ham unake taur-tareekon ko badal nahin sakate. jis tarah ham chaahate hain us tarah to katee nahin. apanee shaanti ke lie nakaaraatmakata se nipatane ka tareeke khojana hee aapake paas vikalp ho sakata hai. sakaaraatmak hokar hee aap is nakaaraatmakata ko jeet sakate hain.-
chheentaakashee se door kee raah
agar aap kisee aisee jagah hain jahaan log nakaaraatmak tippaniyon ya chheentaakashee mein ras le rahe hon ya phir doosaron ka upahaas kar rahe hon to aisee jagah aur sthiti se khud ko baahar nikaalana hee theek hai. jaise hee aapako bhaan ho ki is tarah kee baatacheet aapake svabhaav se mel nahin khaatee hai turant un logon ke beech se nikal jaana chaahie. agar kisee kaaran se aap aisee jagah se nahin nikal pa rahe hain to bhee is tarah kee baatacheet mein hissa lene se bachen, pratikriya vyakt karane se dooree banaen.
aalochana se dooree banaen
nakaaraatmak tippaniyon, aalochanaatmak drshtikon ko vyaktigat roop se na len. doosaron kee hataasha ka asar khud par na padane den. doosaron kee hataasha aur gusse par agar aap koee pratikriya nahin denge to usaka phaayada aapako apane vyaktitv mein dikhaee dega. aksar aap doosaron ke saath ulajhane par apane man ko kharaab kar baithate hain. prayaas ke saath isase bachen.
sakaaraatmakata par dhyaan den
har din apane jeevan kee teen sakaaraatmak baaton par dhyaan den. un logon ko yaad karen jinhonne aapake din ko achchha banaaya. un logon ko bhool jaen jinake saath aapakee jhadap huee ho. apane din kee buree ghatanaon ke prabhaav se apanee shaam ko kharaab na hone den. is tarah aap apane din ko behatar tareeke se poora kar paenge.
jyaada apekshaon se bachen
apane man mutaabik doosaron se kaam kee apeksha rakhana aapako niraash hee karega isalie logon se nyoonatam apekshaen rakhen. unhen bataen bhee nahin ki unhen kya karana chaahie aur kya nahin. jab aap unhen yah bataate hain ki aapakee apekshaen kya hain aur phir bhee cheejen theek nahin hotee to aapako jyaada niraasha hotee hai aur isalie saamaajik jeevan mein logon ko aise nirdesh dene se bachen. saamaany taur par agar aap unhen koee baat samajha sakate hain to bas utana hee prayaas karen.
pratikriyaon par gambheer na hon
aksar aapake prayaason ko lekar log nakaaraatmak pratikriya dete hain aur aise mein un pratikriyaon ko peechhe chhodakar aage badhana bahut jarooree hai. nakaaraatmak pratikriyaon ko aapakee raah kee baadha na banane den. hamesha aise logon kee baaton ko bhulaane ke lie khud ko kisee sakaaraatmak gatividhi ke saath joden. behatar hoga ki aise logon kee baaton ko apane anuroop disha mein mod len.
saphalata kee khushee
dinabhar mein jo chhotee saphalataen aapane praapt kee hain unaka jashn manaen. apanee kamiyon ko lekar bahut jyaada sakht najariya apanaane se bachen. doosaron ke prati bhee adhik aalochana bhara najariya na rakhen aur unake chhote-chhote prayaason kee saraahana karen. is tarah aap unhen prerit kar paenge aur khud bhee achchha mahasoos karenge. is tarah aap behatar teem bhee bana paenge.
nakaaraatmakata se bachen
jab bhee koee kharaab sthiti banatee hai to hamaare saamane do vikalp hote hain ki ham us par pratikriya den ya phir chup rahen. jo ho chuka hai us par baat karake vaataavaran ko adhik katu banaane ke bajaay bhavishy ke lie behatar yojanaon ke baare mein sochana jyaada phaayademand ho sakata hai. niraasha ke bajaay aise samay sakaaraatmak baaten karana teem ko prerit karega.
0 Comments For "मन से नकारात्मकता हटाने के लाजबाव उपाय"