abhee-abhee haal hee mein to khamesar aaya tha is kasbe mein. aisa kasba jo dheere-dheere shahar ka roop le raha tha. idhar-udhar, door-door tak nirmaanaadheen bildingen bikharee padee theen. kaheen-kaheen, aas-paas mein kaee saaree bildingen ban rahee theen to kaheen-kaheen ekadam se sannaata pasara tha. door-door tak ek bhee ghar nahin to kisee-kisee erie mein ek-aadh kachchee jhopadiyaan najar aa ja rahee theen.
darasal khamesar ka bada bhaee ramesar is kasbe mein dainik majadooree ka kaam karata tha. usane hee khamesar ko bhee kaam ke silasile mein bulavaaya tha. khamesar beee paas tha aur usake bhaee ne use bataaya tha ki is kasbe mein use suparavaijar kee naukaree mil jaegee aur isake lie usane ek do logon se baat bhee kee thee.
joon kee tapatee dopaharee mein khamesar saikil daudaata hua bhaee dvaara die pate kee or bhaaga chala ja raha tha. ubad-khaabad raaste par vah tejee se saikil chala raha tha. vah paseene se poora bheeng chuka tha. usane saikil dheemee kee aur paas mein dikh rahee ek katarainee dukaan kee or badh chala. katarainee dukaan par pahunch kar usane dukaanadaar ko kaagaj par likha pata dikhaaya aur dukaanadaar ke batae hue kachche raaste par phir se aage badhane laga.
abhee khamesar thoda hee aage badha tha ki use 8-10 varsh ka ek ladaka mila. ladake ne haath dikhaakar khamesar ko rookane ka ishaara kiya aur kaha ki ankal, mujhe bhee le chalenge kya? khamesar rookakar vah pata dikhaaya aur bataaya ki use yahaan pahunchana jarooree hai. phir us ladake ne kaha ki yah pata use pata hai aur use bhee udhar hee jaana hai.
phir kya tha khamesar ne us ladake ko saikil par aage hee baitha liya aur usase kuchh baaten karate hue aage badhane laga. lagabhag 5-7 minat ke baad ladake ne khamesar ko ek ban rahee bilding ke taraph ishaara karate hue bataaya ki yah vahee bilding hai, jisaka pata aap poochh rahe hain. phir ladake ne kaha ki ankal pahale aap apana kaam kar len, phir mera ghar thoda aur aage hai, vahaan mujhe chhod dena.
khamesar ne haamee bhar dee aur apanee saikil ko us ban rahee bilding ke taraph mod dee. bilding ke paas pahunchate hee use ek aadamee mil gaya jo shaayad vaachamain tha. khamesar ne us vyakti ko vah kaagaj dikhaaya aur poochha ki yah pata yaheen ka hai na. vaachamain ne haan karake poochha ki aapako kisase milana hai? isapar khamesar ne vaachamain se kaha ki misirajee se. vaachamain ne kaha ki misirajee to yaheen the par abhee nikal gae. ab ve ek ghante ke baad hee milenge.
koee baat nahin, mainne phir se ek ghante mein aa jaoonga, jab misirajee aa jaen to aap bata deejiega ki ramesar ka chhota bhaee khamesar aaya tha. main jara is bachche ko isake ghar par chhodakar aata hoon. vaachamain ne poochha ki kis bachche ko? is par khamesar ne us 8-10 varsheey bachche kee taraph ishaara karate hue kaha ki ise.
vaachamain ko thoda ajeeb laga kyonki use koee bachcha dikhaee nahin de raha tha par usane baat ko taalane ke lie kah diya ki theek hai jao, par ek ghante tak aa jaana, kyonki misirajee aane ke 2-3 ghante baad, phir yahaan se nikal jaenge . khamesar haamee bharate hue saikil modane laga. abhee bhee vaachamain munh sikodate hue khamesar ko dekhe ja raha tha.
khamesar bachche ke batae hue raaste par phir se saikil daudane laga. lagabhag 20-25 minat saikil daudane ke baad vah ek soonasaan ilaake mein pahuncha. is ilaake kee jameen pooree tarah se oobad-khaabad aur jangalee thee. jagah-jagah jhaadiya aadi ugee huee theen. kaheen-kaheen kuchh chhote-bade gaddhe bhee the.
khamesar ne kautuhal se us bachche se poochha ki kya tum is ilaake mein rahate ho? bachche ne haan kahate hue kaha ki haan ankal, main isee ilaake mein rahata hoon. phir saamane ek khandahar jaisee jagah kee or ishaara karate hue kaha ki ankal main yaheen rahata hoon.
aap mujhe yaheen chhod deejie, ab main chala jaoonga.
khamesar ke dimaag mein to misirajee se milana hai, kaheen der na ho jae, yahee baat chal rahee thee. astu usane bachche se aur kuchh poochhe bina bachche ko vaheen utaarakar tejee se saikil modakar phir usee raaste par vaapas saikil daudaane laga.
20-25 minat saikil daudaane ke baad vah phir se apane pate par aa gaya. vaachamain ne bataaya ki misirajee aa gae hain aur itana kahate hue vah use lekar us ban rahee bilding ke andar pahuncha. andar misirajee kuchh logon se baat kar rahe the.
vaachamain dvaara parichay karae jaane ke baad khamesar ne misirajee kee panvalaggee kee. phir baatacheet huee aur misirajee ke yah kahane kee baad kee kal se tum kaam par aa jaana, prasann man se khamesar misirajee ka dhanyavaad karate hue us bilding se baahar nikal gaya.
bilding se baahar nikalane ke baad khamesar kaaphee shaanti mahasoos kar raha tha kyonki vah lagabhag 10-12 dinon se kaam kee talaash mein idhar-udhar bhaag raha tha. vah saikil ke paas aakar staind par se saikil utaara aur use dugaraate hue hee aage badhane laga. use ab thodee bhookh bhee sata rahee thee kyonki lagabhag 11-12 baje ka nikala tha aur abhee tak ek boond paanee bhee nahin piya tha.
saikil dugaraate-dugaraate vah phir se usee katarainee dukaan ke paas aa gaya. katarainee dukaan ke paas pahunchakar usane staind par apanee saikil khadee kar dee aur kuchh khaane ke lie dukaan ke andar chala gaya. dukaan ke andar pahunchakar vah ek toote stool par baith gaya aur dukaanadaar se ek laddoo laane ke lie kaha.
dukaanadaar kaagaj mein ek laddoo lapetakar use diya aur saath hee ek jag paanee aur ek sheeshe ka gilaas bhee le aaya. laddoo khaate-khaate achaanak khamesar kee najar dukaan mein hee ek khambe se kaantee mein latakee ek photo par padee, jis par phool-maala chadhaaya gaya tha.
bachche kee photo aur usapar chadhee phoolamaala dekhakar khamesar dheere se dukaanadaar se poochha ki yah aapaka ladaka hai kya? dukaanadaar ne udaas man se haamee bharate hue kaha ki han, baaboo! yah mera ladaka hee hai. abhee isakee umr bhee kya thee. duniya bhee theek se nahin dekh paaya tha par bhagavaan kee marjee ke aage kisee kee marjee nahin chalatee.
dukaanadaar kee itanee baaten sunane ke baad khamesar dheere se utha aur us photo ke paas pahunchakar gaur se use dekhane laga. photo ko gaur se dekhane ke baad achaanak use kuchh yaad aaya aur usake chehare par ghabaraahat ke saath hee paseena bhee aa gaya. usake poore shareer mein kampan shuroo ho gaee. bina kuchh bole vah phir se apanee jagah par baith gaya.
dukaanadaar ne khamesar ke gilaas mein chaay udhalate hue kaha ki baaboo, sabako jaana hai, par samay se jaana achchha lagata hai. yah mera ladaka bahut hee honahaar aur upakaaree tha. sabakee sahaayata karata tha, yahaan tak ki aparichiton kee bhee.
is eriya ke sabhee log ise bahut hee chaahate the. ise is nav-nirmaanaadheen ilaake ke baare mein poora parichit tha. jab bhee koee anajaana koee pata poochhata to yah keval pata hee nahin bataata apitu us vyakti ko us pate par chhodakar aata tha.
isakee vajah se sabhee log ise bahut hee pyaar karate the. lagabhag 1 maheene pahale kee baat hai, ek din ek anagoiyaan (anajaana) meree dukaan par aaya, use usee jagah par jaana tha, jahaan se aap aa rahe hain. mera beta us anagoien ko lekar vahaan pahuncha. us din us bilding ke doosare mahale par pait aadi baandhane ka kaam chal raha tha. pata nahin mere bete ke dimaag mein kya aaya ki vah ek pait par chadh gaya.
abhee vah pait pooree tarah se baandha nahin gaya tha. usaka pair phisala ya pata nahin kya hua ki vah pait par se gir pada aur vahaan se kuchh log use lekar aspataal tak pahunchate tabatak usake praan pakheroo ud chale the. itana kahane ke baad us dukaanadaar kee aankhen dabadaba gaeen.
ab khamesar thoda aaraam mahasoos kar raha tha par vah soch nahin pa raha tha ki is dukaanadaar ko kaise batae ki abhee isee ladake ne use us pate tak pahunchaaya tha. abhee khamesar kuchh bole isase pahale hee vah dukaanadaar phir bol pada, baaboo, phir hamane ise apane bachche ko murdahiya par le jaakar daphana diya.
dukaanadaar ne baaton hee baaton mein yah bhee bata diya ki yah murdahiya aap jo pata poochhe the, usake thoda door aage hee hai. phir achaanak khamesar ke bhee aansoo nikal pade aur vah rote hue dukaanadaar se kaha ki kaaka, yah ladaka aaj bhee hamen us pate par pahunchaaya aur phir ise mainne murdahiya par le jaakar chhod diya. kyonki yah ladaka bata raha tha ki yah vaheen rahata hai, par main isake saath isake rahane kee jagah par nahin gaya tha.
ab to vah dukaanadaar bhee phoot-phootakar rone laga aur kahane laga ki baaboo, jaroor vah mera munna hee hoga kyonki kal bhee isane kisee ko kisee pate par pahunchaaya tha par jab us vyakti ne bataaya tha to main bol pada tha ki yah nahin ho sakata .
kyonki mere munna ko gae to maheenon ho gae hain par aaj jab aapase saath bhee yahee ghatana ghatee to ab mujhe yakeen ho gaya hai ki vah mera munna hee hoga aur vah murdahiya se aakar apanee is dukaan ke aas-paas hee rahata hoga.
abhee dukaanadaar aur khamesar kee baat chal hee rahee thee ki khamesar ke pate vaala vah vaachamain bhee chaay peene vahaan aa gaya. use dekhate hee dukaanadaar use chaay dene laga. vaachamain ne chaay peete hue khamesar se poochha ki baaboo ek baat bataie.
jab aap mere paas gae the to mainne to kisee ko bhee aapase saath nahin dekha, phir bhee aap bol rahe the ki is bachche ko chhodane ja raha hoon. us samay main kuchh samajh nahin paaya tha.
is par dukaanadaar phir se ro pada aur kaha ki baachaman baaboo, vah mera munna tha aur isalie shaayad aapako dikhaee nahin diya. ab vaachamain ko bhee saaree baaten kliyar ho gaee theen, kyonki usane pichhale 15-20 dinon mein kitane aparichiton ko kahate suna tha ki bachche ko chhodakar aa raha hoon.
kahaanee-kahaanee hotee hai. yah kahaanee bhee kahaanee hee hai aur vah bhee pooree tarah se kaalpanik. ise manoranjan ke roop mein dekhen par yah kahana ki aatmaen nahin hoteen, yah baat mujhe hajam nahin hotee hai.
main to baar-baar yahee kahata hoon ki agar bhagavaan ka astitiv hai to bhoot-preton ka kyon nahin. shaayad kabhee vigyaan pooree tarah se is par se parada utha de aur meree shankaon par viraam lag jae.
jay bajarangabalee.
samaapt
yadi aapake paas hindee mein koee lekh, kahaanee, vyaapaar vichaar ya jaanakaaree hai jo aap hamaare saath sheyar karana chaahate hain to krpaya use apanee photo ke saath ee-mel karen. hamaaree pahachaan hai: www.kuchhhnaya1994@gmail.chom pasand aane par ham use aapake naam aur photo ke saath yahaan prakaashit karenge.
dhanyavaad!
0 Comments For "Hindi कहानी :- दयावान भूत पर आ रही है असीम दया?"