baat puraanee ho chalee hai. unnees sau chauhattar eesaveen mein kathighara naam ke gaanv mein ek naee shikshika aaee. hamesha vah samay se vidyaalay aatee. vidyaalay mein kaee bachche skool aana chhod rahe the. sabakee soochee banaakar vah bachchon ke ghar sampark saadhane lagee.
vah chaahatee thee koee bachcha shiksha se vanchit na ho. kuchh bachche maar kee dar se vidyaalay chhod rahe the. adhyaapakon ka us samay ka prasiddh phormoola tha ya to padhaee chhod doge ya padhane lagoge. naee shikshika ne bachchon ko padhaane ka vidhivat prashikshan praapt kiya tha. vah any adhyaapikaon se bhinn thee. dheere-dheere bachchon ke man ka bhay nikalane laga. bachche apanee naee adhyaapika kee sab baat maanane lage.
vidyaalay ka vaataavaran bahut had tak badal chuka tha. any chaar adhyaapikaon se bachche thoda-bahut darate se the adhyaapika satyabhaama kee mehanat se poore gaanv ke log kaaphee prabhaavit the.
satyabhaama pahale imiliya aur adhauree gaanv mein tainaat rahee thee. vahaan ke gaanv ke log aur bachche baar-baar us satyabhaama ke punah tainaatee karavaane ka sandesh bhejate. vahaan ke bachche ab bhee us mahaan shikshika kee yaad mein aansoo na rok paate.
kathighara gaanv mein lagabhag sab log khetihar aur majadoor the. skool ke paas mein ek gahara taalaab tha. ek din intaravel kee ghantee lagee to roj kee tarah aaj bhee bachche khelane ke lie bhaag khade hue. satyabhaama ne uchch svar mein aadeshit kiya dheere se nikalie bhaagie nahin, nahin to chot lag sakatee hai.
bhale hee satyabhaama bachchon ko maaratee-peetatee na ho, par bachche phir bhee usakee saaree baat maanate the. sab bachche anushaasan ke saath kaksha se baahar nikale. ek bachcha phir bhee bahut tej bhaaga.
satyabhaama ne usase kaha- abhee aao, tumako theek karatee hoon. itana sunate hee vah bachcha bhee anushaasan mein aa gaya. yadyapi vah jaanata tha ki vah kisee ko peetatee nahin. shesh adhyaapikaen apane ghar se lae bhojan ko karane mein aur baatacheet mein mashagool ho gaeen.
satyabhaama nae paath ko kaise padhaaya, is taiyaaree mein jut gaee. kuchh der baad usane pareeksha kee shesh kopiyaan jaanchane ka kaam shuroo kiya. kaksha ek ke do bachche achaanak kaksha mein ghuse aur aapas mein baaten karane lage. ek ne kaha- bahanajee se mat bataana. satyabhaama anajaan banakar unakee baaten sun rahee theen. doosaree bolee- haan bodika (syaahee kee davaat) mein paanee daalane gaee thee, doob gaee. yah sunate hee satyabhaama kee saaree kopiyaan bikharatee chalee gaeen. pen ungaliyon mein daba rah gaya aur vah bhaag khadee huee.
taalaab ke paas jaakar dekha to bachchee ke ek haath oopar paanee aa chuka tha. jaan kee paravaah chhod vah taalaab mein kood gaee. taalaab gahara tha. mittee nikaale jaane kee vajah se yah kinaaron par se hee gahara hota chala gaya tha. saare bachche apanee priy adhyaapika ke peechhe daud pade. sabhee adhyaapikaon ne dekha ki satyabhaama ne bahut bada khatara mol le liya hai.
gaanv ke log bhee koharaam sun jama hone lage. satyabhaama us bachchee ko pakadane ke lie aage badh rahee thee. vah bilakul asaavadhaan thee aur beparavaah bhee. bachchee gahare taalaab ke madhy khinchee ja rahee thee. praanaraksha ko dheere-dheere haath-pair chala rahee thee.
satyabhaama kee naak tak paanee aa chuka tha, lekin vah us chhaatra ko pakadane mein saphal ho gaee. ab vah use haathon se oopar uthaakar kinaare kee taraph badh rahee thee. bina bhay ke paanee mein chhalaang lagaane vaalee vah adhyaapika ab satarkata se baahar aa rahee thee.
gaanv ke log aur saara vidyaalay pasare sannaate ke saath bhayabheet hokar tamaasha dekh rahe the. kinaare aakar usane bachchee ko baahar kee taraph phenka aur phir badee mushkil se khud baahar aaee. usake munh se kuchh ultee karaee. chaaron taraph us adhyaapika kee bahaaduree ke kisse shuroo ho gae.
jisakee bitiya bachee thee, ve thaakur the. pooree thaakur biraadaree ke log ikattha the. shikshika ne betee ke sar par bade pyaar se haath pherate hue poochha- kahaan gaee theen, vah bolee- maama ke ghar shikshika ne use pyaar se dekhakar prasann bhaav se kaha- hamm, phir use gale laga liya aur peeth thapathapaakar utsaah diya taaki vah tanik bhay mahasoos na kare.
vah ek achchhe shikshak kee bhaanti usake manobhaavon ko samajh rahee thee. phir achaanak usakee nigaah chhaatra kee maan par gaee. usane usase kaha- vo dekho maan raasta dekh rahee hai. bachchee kee maan lagaataar aansoo bahae chalee ja rahee thee. gaanv vaalon ne use puraskrt karane ka phaisala kiya.
jaise hee prastaav adhyaapika ke paas aaya, vah bolee- kartavyon ke nirvahan ka puraskaar nahin liya jaata. meree chhaatra ko eeshvar ne jeevanadaan diya, yah mere lie ek bada aur anamol puraskaar hai.
gaanv ka koee vyakti us aadarsh adhyaapika ke shabdon ke aage na bol saka. unake man mein adhyaapika shabd ke prati agaadh sammaan paida ho chuka tha.
adhyaapika shabd kee sachchee paribhaasha ko sabhee jeevit roop mein dekh rahe the.
yadi aapake paas hindee mein koee lekh, kahaanee, vyaapaar vichaar ya jaanakaaree hai jo aap hamaare saath sheyar karana chaahate hain to krpaya use apanee photo ke saath ee-mel karen. hamaaree pahachaan hai: www.kuchhhnaya1994@gmail.chom pasand aane par ham use aapake naam aur photo ke saath yahaan prakaashit karenge.
dhanyavaad!
0 Comments For "hindi कहानी : मेरी छात्रा"