ek gaanv ke mandir mein ek bahmachaaree rahata tha. lobh, moh se pare apane aap mein mast rahana usaka svabhaav tha. kabhee-kabhee vah yah vichaar bhee karata tha ki is duniya mein sarvaadhik sukhee kaun hai? ek din ek raees us mandir mein darshan hetu aaya.
usake manhage vastr, aabhooshan, naukar-chaakar aadi dekhakar bahmachaaree ko laga ki yah bada sukhee aadamee hona chaahie. usane us raees se poochh hee liya. raees bola-main kahaan sukhee hoon bhaiya! mere vivaah ko gyaarah varsh ho gae, kintu aaj tak mujhe santaan sukh nahin mila.
main to isee chinta mein ghulata rahata hoon ki mere baad meree sampati ka vaaris kaun hoga aur kaun mere vansh ke naam ko aage badhaega? pados ke gaanv mein ek vidvaan pandit rahate hain. meree drshti mein ve hee sachche sukhee hain.
brahmachaaree vidvaan pandit se mila, to usane kaha-mujhe koee sukh nahin hai bandhu, raat-din parishram kar mainne vidyaarjan kiya, kintu usee vidya ke bal par mujhe bharapet bhojan bhee nahin milata. amuk gaanv mein jo netaajee rahate hain, ve yashasvee hone ke saath-saath lakshmeevaan bhee hai. ve to sarvaadhik sukhee honge. brahmachaaree us neta ke paas gaya, to netaajee bole-mujhe sukh kaise mile?
mere paas sab kuchh hai, kintu log meree badee ninda karate hain. main kuchh achchha bhee karoon to usamen buraee khoj lete hain. yah mujhe sahan nahin hota. yahaan se chaar gaanv chhodakar ek gaanv ke mandir mein ek mastamaula brahmachaaree rahata hai. is duniya mein usase sukhee aur koee nahin ho sakata. brahmachaaree apana hee varnan sunakar lajjit hua aur vaapis mandir mein lautakar pahale kee tarah sukh se rahane laga.
use samajh mein aa gaya ki sachcha sukh laukik sukhon mein nahin hai balki vah to laukik chintaon se mukt alaukik kee nih svaarth upaasana mein basata hai. samast bhautikata se pare aatmikata ko pa lena hee sachche sukh va aanand kee anubhooti karaata hai.
0 Comments For "लौकिक सुखों से परे सच्चा सुख ! ( Story - Real Happiness ! ) Hindi Motivational Story"