ramesar kaaka jab yah bhootahee kahaanee sunaana shuroo kie to ham mitron ko pahale to thoda dar laga par baad mein bhooton se hamadardee hone lagee. hamane sapane mein bhee nahin socha hoga ki ek bhootanee bhagavaan banakar saamane aa jaegee aur apanee jaan par khelakar kisee kee jaan bacha jaegee. jee haan. yah kahaanee ek aisee hee bhootanee kee hai, jo makareda se tikarahiya jaane vaalee chhotee lain par ghoomate rahatee thee aur logon ke saath hee jaanavaron aadi kee jaan bhee bachaaya karatee thee.
baat bahut pahale kee hai. ek baar ramesar kaaka apane bete se milane lakhanoo gae hue the. ve shaam ko lagabhag 4 baje lakhanoo se tren pakadakar makareda ke lie ravaana hue. makareda pahunchane mein raat ke kareeb 10 baj gae. makareda pahunchane ke baad unhonne socha ki shaayad is samay tikarahiya jaane ke lie koee gaadee mil jae. tikarahiya aur makareda ke beech maatr 6-7 kimee kee dooree thee aur is root par ek-do paisenjar gaadiyaan dauda karatee theen. par makareda se tikarahiya hokar aage jaane vaalee raatavaalee paisenjar nikal chukee thee.
ab ramesar kaaka kya karen, pahale to unhonne vah raat steshan par hee gujaarane kee sochee par phir pata nahin unhen kya soojha ki apana jhola-jhanta uthae aur rel kee pataree pakadakar makareda se tikarahiya kee or chal die. tikarahiya mein stesan se thodee hee door par unhonne ek jhopadee daal rakhee thee aur usee mein chaay-pakaudee aadi becha karate the.
ramesar kaaka nidar hokar tejee se pataree ke kinaare-kinaare aage badhe chale ja rahe the. unhen to der-saber, paidal hee patariyon se hokar idhar-udhar aane-jaane kee aadat thee. astu us kaalee raat mein bhee ve tejee se aise badhe chale ja rahe the jaise din ka prakaash ho. abhee ramesar kaaka lagabhag 1 kimee tak badhe honge tabhee unhen pataree ke beech ek bakaree memmiyaatee huee najar aaee. unhonne paas jaakar dekha to ek bakaree jisake gale mein pagaha bandha tha aur vah pagaha pataree ke beech mein phans gaya tha.
pahale to ramesar kaaka ke dimaag mein yah baat aaee ki aakhir itanee raat ko yah bakaree yahaan kaise aa gaee aur agar koee lekar aaya tha to ise chhodakar kyon chala gaya. khair ramesar kaaka ne aur apane dimaag par jor na daalate hue us bakaree ke phanse pagahe ko nikaalanee kee koshish shuru kar dee. par pagaha is tarah se phansa hua tha ki nikalane ka naam hee nahin le raha tha.
isee dauraan us lain se hokar ek maalagaadee dheere gati se aage badh rahee thee. ramesar kaaka us bakaree ke pagahe ko nikaalane mein itane mashagool the ki unhen aatee huee na maalagaadee kee sudh thee aur na hee unhen usakee aavaaj sunaee de rahee thee. dheere-dheere vah maalagaadee ramesar kaaka ke kaaphee kareeb aa gaee. are yah kya ab jaakar ramesar kaaka ko maalagaadee ka aabhaas hua aur ve koodakar pataree par se hatana chaahe, par yah kya ve jyon koodakar bhaagana chaahe tyonhee us bakaree ne vikaraal roop pakad liya.
aisa lagata tha ki bakaree ke roop mein koee daity hai, ab to ramesar kaaka thoda dar bhee gae aur us bakaree ne bhaagate ramesar kaaka kee dhotee hee munh mein dabaakar pataree kee or kheenchane lagee. ab ramesar kaaka ekadam se asahaay ho gae the aur paseene se pooree tarah bheeng bhee gae the. ab vah maalagaadee aur bhee kareeb aa gaee thee, aisa lagata tha ki ab unaka jeevan nahin bachega. maut ekadam se unake sar par khadee najar aa rahee thee, unaka dhairy aur bal bhee javaab dene lage the aur ve na chaahate hue bhee pataree kee or kheenche chale ja rahe the.
achaanak kuchh aisa ghata jo ramesar kaaka kee samajh se pare tha. achaanak ek 15-16 saal kee sundar kanya prakat ho gaee aur dekhate hee dekhate usane us bakaree ke munh se ramesar kaaka kee dhotee chhudaane lagee. ab to vahaan ka drshy bahut hee bhayankar ho gaya tha, ramesar kaaka pooree tarah se dare-sahame the par is kishoree ke aane se unhen thodee raahat milee thee. ab maalagaadee lagabhag 10 meetar kee dooree par aa gaee thee. ab to us bakaree aur us kishoree kee ladaee aur bhee bhayankar ho gaee thee, achaanak us kishoree ne bakaree ke munh se dhotee ko chhudaane mein saphal huee aur tejee se ramesar kaaka ko dhakka de dee.
ab ramesar kaaka pataree se thodee door jaakar gir gae the. ve gire-gire apane paas se maalagaadee ko gujarate hue dekh rahe the aur saath hee yah bhee ki pataree par abhee bhee us bakaree aur kishoree mein bhayankar ladaee chal hee rahee hai. ramesar kaaka achaanak ekadam se dar gae, unake darane ka kaaran yah tha ki abhee tak to ve keval un donon kee ladaee aur gujaratee huee maalagaadee ko dekh rahe the par unhonne is baat par dhyaan nahin diya tha ki vah bakaree aur kishoree usee pataree par lad rahe hain jisapar se maalagaadee gujar rahee hai par in donon ko isase koee phark nahin pad raha tha aur na hee ve donon maalagaadee ke pahiyon ke neeche aa rahe the.
aur kabhee-kabhee neeche bhee aate to bhee koee phark nahin padata. ab to ramesar kaaka ekadam se peele pad gae par unhen is bahaadur bhootanee ladakee ke baare mein pata tha. unhonne kaee logon se is bahaadur bhootanee ke kisse sun chuke the jo relave lain ke aas-paas museebat mein pade logon, jaanavaron aadi kee jaan bachaatee rahatee thee.
ab maalagaadee gujar chukee thee par un donon kee ladaee abhee bhee jaaree thee. achaanak ladakee ne kasakar us bakaree ke pagahe ko usake gale mein lapetakar khinchana shuru kiya. aisa laga ki us bakaree ka gala pooree tarah se dab gaya aur vah ek bhayankar aavaaj mein memmiyaee. ladakee ko pata nahin kya soojha ki usane usaka pagaha chhod diya. pagaha chhodate hee vah bakaree memmiyaate hue pata nahin kahaan gaayab ho gaee. ab vah ladakee dheere-dheere ramesar kaaka kee or badhane lagee. ramesar kaaka thuk satak lie, unhen dar bhee lag raha tha par unhen yah bhee pata tha ki yah bhootanee unaka bura nahin karegee.
bhootanee dheere-dheere ramesar kaaka ke paas pahunchee. ramesar kaaka ab uthakar baith gae the. ladakee ne haath dekar ramesar kaaka ko uthaaya aur door pade unake jhole ko laakar de dee. ab ramesar kaaka thoda sahaj ho gae the. ladakee ne unhen apane saath-saath chalane ke lie kaha. ab ramesar kaaka us ladakee ke saath tej kadamon se patariyon par badhe chale ja rahe the. kuchh door chalane ke baad achaanak ramesar kaaka us ladakee ka haath chhodate hue thoda hakalaakar bole, betee! kaun hai toon? aur itanee raat ko is soonasaan jagah par kyon ghoom rahee thee. "ladakee pahale to thoda sisakee par phir sambhalakar bolee," kaaka, 5-7 saal pahale main apane maata-pita ke saath isee pataree ke kinaare ek madee mein rahatee thee.
mere maata-pita chhote-mote kaam karake gujaara karate the. main bakariyon ko charaane ka kaam karatee thee. achaanak ekadin mere isee bakaree (jo mujhase lad rahee thee) ka pair pataree mein phans gaya, tabhee ek tren bhee aa gaee. mainne use bachaane kee bahut koshish kee aur is koshish mein is bakaree ke saath main bhee bhagavaan ko pyaaree ho gaee. "itana kahane ke baad vah kisoree phoot-phootakar rone lagee. ab ramesar kaaka kee himmat thodee badhee aur unhonne prem se us kishoree ke sar par apana haath rakh diya. kishoree thodee shaant ho gaee.
kuchh der chuppee chhaee rahee, phir ramesar kaaka ne poochha ki betee par vah bakaree mujhe maarana kyon chaahatee thee? is par us kishoree ne kaha ki darasal us bakaree ko lagata hai ki usakee jaan draivar ne le lee thee aur usake baad se vah hamesha insaan ko maarane kee koshish karatee hai jabaki main use baar-baar samajhaane kee koshish karatee hoon ki usakee aur meree maut us draivar ke vajah se nahin apitu usakee (bakaree kee) galatee se huee thee par vah kisee bhee keemat par yah maanane ko taiyaar nahin hai.
baaton hee baaton mein ramesar kaaka us kishoree ke saath tikarahiya steshan ke paas pahunch gae. ladakee ne kaha ki kaaka ab aap chale jaie. main isake aage nahin aa sakatee. par ramesar kaaka ne usase kaha ki betee, toon bahut hee achchhee hai aur main chaahata hoon ki toon bhee mere ghar chale, meree betee jaisee rahe. kaaka kee in baaton ko sunakar vah kishoree thodee bhaavuk huee par aisa nahin ho sakata kahakar jaane lagee.
ramesar kaaka kee maanen ta vah kishoree baraabar ramesar kaaka ko dikh jaatee thee aur kabhee-kabhee un donon mein baaten bhee hotee thee. ekadin ramesar kaaka ne usakee aatma kee shaanti ke ek chhota sa anushthaan karaaya aur usake baad kahate hain ki vah kishoree kabhee nahin dikhee. saayad usakee aatma ko mukti mil chukee thee. kaisee lagee yah bhootahee kaalpanik kahaanee?
jay bajarang balee.
samaapt
0 Comments For "वह भूतनी नहीं, मेरे लिए भगवान थी"