ksheer saagar mein sthit trikoot parvat par lohe, chaandee aur sone kee teen chotiyaan theen. un chotiyon ke beech ek vishaal jangal tha jisamen phalon se lade ped bhare the. us jangal mein gajendr naamak matt haathee apanee asankhy patniyon ke saath vihaar karate apanee pyaas bujhaane ke lie ek taalaab ke paas pahuncha.
pyaas bujhaane ke baad gajendr ke man mein jal-kreedaen karane kee ichchha huee. phir vah apanee auraton ke saath taalaab mein utar kar paanee ko uchhaalate hue apana manoranjan karane laga. is beech ek bahut bade magaramachchh ne gajendr ke daayen pair ko apane daadhon se kasakar pakad liya.
is par peeda ke maare gajendr dheenkaar karane laga. usakee patniyaan ghabada kar taalaab ke kinaare pahuncheen aur apane pati ke dukh ko dekh aansoo bahaane lageen. unakee samajh mein na aaya ki gajendr ko magaramachchh kee pakad mein se kaise chhudaayen?
gajendr bhee magaramachchh kee pakad se apane ko bachaane ke saare prayatn karate hue chhatapataane laga. gajendr apane daanton se magaramachchh par vaar kar deta aur magaramachchh uchhal kar haathee ke shareer ko apane tej naakhoonon se kharonch leta jisase khoon kee dhaaraen nikal aateen. haathee magaramachchh kee peeth par apanee soond chalaata, magaramachchh apanee khuradaree poonchh se haathee par vaar kar deta.
agar haathee apane chaaron pairon se magaramachchh ko kuchalane kee koshish karata to vah paanee ke tal mein jaakar chhip jaata. is par haathee kinaare par pahunchane ke lie aage badhata, tab jhat se magaramachchh haathee ko pakad kar kheench le jaata aur use paanee mein dubo deta. is tarah magaramachchh aur haathee ke beech ek hazaar saal tak lagaataar ladaee chalatee rahee.
gajendr apanee taaqat par vishvaas karake himmat ke saath ladata raha, phir bhee dheere-dheere usakee taaqat ghatatee gaee. magaramachchh to paanee mein jeenevaala praanee hai! paanee ke andar usakee taaqat zyaada hotee hai! vah haathee ka khoon choosate din ba din mota hota gaya. haathee kamajor ho gaya. ab sirf usaka kankaal maatr rah gaya.
magaramachchh kee pakad se apane ko bacha lena haathee ke lie mumakin na tha. aakhira gajendr dukhee ho sochane laga, main apanee pyaas bujhaane ke lie yahaan par aaya. pyaas bujhaane ke baad mujhe yahaan se chala jaana chaahie tha! main naahaq kyon is taalaab mein utar pada? mujhe kaun bachaayega? phir bhee mere man ke kisee kone mein yah yaqeen jamata ja raha hai ki main kisee tarah bach jaoonga.
isaka matalab hai ki meree aasha ka koee aadhaar zaroor hoga. usee ko main eeshvar kahakar pukaarata hoon.shsh devata, bhagavaan, eeshvar naamak bhaavana ka mool bane he prabhu! tumheen sabhee kaary-kalaapon ke kaaran bhoot ho! mujh jaise ghamandee praanee jab tak khataron mein nahin phansate, tab tak tumhaaree yaad nahin karate! dukh na bhogane par tumhaaree zaroorat ka bodh nahin hota!
tum tab tak use dikhaee nahin dete, jab tak vah yah nahin maanata ki tum ho, aur usake man mein yah khalabalee nahin machatee ki tum ho ya nahin.shsh is tarah baraabar sochanevaale gajendr ko laga ki magaramachchh ke dvaara sataanevaalee peeda kuchh kam hotee ja rahee hai! gajendr ne jab dhyaan karana shuroo kiya, tabhee magaramachchh ke daadhon ke masoodon mein peeda shuroo huee.
usaka kaleja kaanpane laga. phir bhee vah rosh mein aakar gajendr ke pair ko chabaane laga. praaniyon kee buraee aur peeda ko tum haranevaale ho! tum sab jagah phaile hue ho! devataon ke mool roop he bhagavaan! is duniya kee srshti ke moolabhoot kaaran tum ho. main yah vishvaas karata hoon ki apanee raksha karane ke lie main jitanee teevrata ke saath praarthana karata hoon, tum utanee jaldee meree raksha kar sakate ho!
sab prakaar ke roop dharanevaale, vaanee aur man se pare rahanevaale he eeshvar! aise anaathon kee raksha karanevaalee jimmedaaree tumhaaree hee hai na? praan shaktiyaan mere bheetar se javaab de chukee hain! mere aansoo sookh gaye hain? main oonchee aavaaz mein tumhen pukaar bhee nahin sakata hoon! main apana hosh-havaas bhee khota ja raha hoon! chaahe tum meree raksha karo ya chhod do, yah sab tumhaaree ichchha par nirbhar hai.
mere andar sirf tumhaare dhyaan ko chhod koee bhaavana nahin hai. mujhe bachaane vaala bhee tumhaare sivaay koee nahin hai! shsh yon gajendr soond uthaaye aasamaan kee or dekhane laga. magaramachchh ko laga ki usakee taaqat javaab detee ja rahee hai! usaka munh khulata ja raha hai. usaka kanth band hota ja raha hai. udhar haathee kee aankhen is tarah band hone lageen ki use apane astitv ka hee bodh na tha.
vah ek dam achal khada rah gaya. us haalat mein vishnu aa pahunche. saara aasamaan unake svaroop se bhar utha. gajendr ko laga ki vah ek atyant sookshm kan hai. vishnu ne apana chakr chhod diyaaur abhay mudra mein apana haath phailaaya. badee tez gati ke saath chakkar kaatate vishnu-chakr ne aakar magaramachchh ka sar kaat daala. dar asal magaramachchh ek gandharv tha. usaka naam huhoosh tha.
praacheen kaal mein deval naamak ek rshi paanee mein khade hokar tapasya kar rahe the, tab magaramachchh kee tarah paanee mein chhipate hue aakar gandharv ne unaka pair pakad liya. is par rshi ne use shaap de daala ki tum magaramachchh kee tarah is paanee mein pade raho! ab vishnu-chakr ke dvaara usaka shaap jaata raha.
magaramachchh se chhutakaara paanevaale gajendr ko taalaab se baahar kheenchakar vishnu ne apanee hathelee se usake kunbh-sthal ko sparsh kiya. us sparsh kee vajah se gajendr apanee khoee huee taaqat paane ke saath poorv janm ka gyaan bhee praapt kar saka. gajendr pichhale janm mein indradyumn naamak ek vishnubhakt raaja the.
vishnu ke dhyaan mein magn us raaja ne ek baar rshi agasty ke aagaman ka khyaal na kiya. rshi ne krodh mein aakar use shaap diya ki tum agale janm mein matt haathee banakar paida hoge. usee din gajendr ke roop mein paida hokar usane mukti praapt kee. gajendr moksh kee kahaanee naimishaarany mein honevaale satr yaag mein padhaare hue shaunak aadi muniyon ko soot maharshi ne sunaee.
muniyon ne soot maharshi se kaha, munivar, gajendr moksh kee kahaanee hamen to sirf ek haathee kee jaisee maaloom nahin hotee, balki saare praani koti se sambandhit maaloom hotee hai. khaasakar kaee bandhanon aur museebaton mein phansakar tadapanevaale maanav jeevan se sambandhit lagatee hai.shsh isake javaab mein sootamaharshi bole, haan, gajendr moksh kee kahaanee shleshaarth se bharee huee hai.
usaka anvay jo jis roop mein chaahe kar sakata hai. kaal to vishnu ke adheen mein hai. isalie kaal-chakr ke paribhraman mein kaee kathinaiyaan aur samasyaen hal hotee jaatee hain.shsh muniyon ne poochha, munivar, gajendr moksh ke aadhaar par hamen yah maaloom hota hai ki pratyek kaary ka kaaranabhoot sarveshvar vishnu hain. aise mahaavishnu kee kahaanee poorn roop se sunane kee ichchha hamaare man mein jaag rahee hai. ham aapake saamane bachchon samaan hain ke.
isalie ham aapase praarthana karate hain ki aap hamaaree samajh mein aane laayaq saral shailee mein vishnu katha kee saaree baaten samajha den. aapane maharshi vyaas ke dvaara samast puraan, itihaas aur unake marm ko bhee jaan liya hai. isalie aap hee ve kahaaniyaan sunaakar hamako krtaarth kar sakate hain.shsh muniyon kee baaten sunakar soot muni khush hue aur bole, haan, zaroor sunaoonga. maharshi vyaas ne vishnu se sambandhit anek leelaavataaron kee visheshataon ko maha bhaagavat ke roop mein racha aur apane putr shuk ko sunaaya.
vishnu puraan sunakar bhav saagar se tarane kee ichchha rakhanevaale mahaaraaja pareekshit ko shuk maharshi ne sunaaya. gajendr kee raksha karane ke lie prakat hue vishnu ka avataar aadi moolaavataar maana gaya. bhagavaan vishnu ne kaee avataar lie; unamen vikaas kee dashaon ke anusaar dashaavataar naam se prasiddh das avataar zyaada mukhy hain. naar ka arth neer hai.
vishnu jal ke mool hain, isalie ve naaraayan kahalaaye. naaraayan se hee neer ya jal ka janm hua. jal se praanee paida hue. vishnu machhalee ke roop mein avatarit hue; dashaavataaron mein vahee pahala matsyaavataar hai. vishnu jal se bhare neel megh ke rang ke hote hain. megh ke andar jaise bijalee chhipee huee hai, usee prakaar vishnu svayan tejomay hain, unake bheetar se utpann jal bhee tej se bhare rahakar gore rang ka prakaash bikherata rahata hai. vahee jal kaaranodak ksheer saagar hai.
ksheer saagar mein anant roopee kaal (samay) sheshanaag ke roop mein kundalee maare leta rahata hai. sheshanaag ke ek hazaar phan hain. anant sheshanaag par sheshashaayee ke roop mein vishnu lete rahate hain. unakee naabhi mein se ek lambe naal ke saath ek padm oopar utha. usee padm se brahma ka uday hua. brahma ne sabhee praaniyon kee srshti kee. anantakaal yugon ke roop mein chalata rahata hai.
krt, treta, dvaapar aur kaliyug - in chaaron ko milaakar ek maha yug hota hai. ek hazaar mahaayug milakar ek kalp hota hai. ek kalp brahma ka ek din hota hai (raat ka vakt isamen shaamil nahin hai) din ke samaapt hote hee unhen neend aa jaatee hai. kalpaant hai vahee. us vakt chaaron or gahara andhera chha jaata hai. vishnu se nikalee sankarshan kee agni sab ko jala detee hai.
jhanjhaavaat chalane lagate hain, tab bhayankar kaale baadal haathee kee soondon jaisee jaladhaaraen lagaataar giraane lagatee hain. mahaasamudr mein aasamaan ko chhoonevaala uphaan hota hai. bhoo, bhuvar aur svarg lok doob jaate hain. chaaron taraf jal ko chhod kuchh dikhaee nahin deta. yahee brahma ke sone kee raat pralayakaal hai. yahee kalpaant ka samay hai.
satyavrat naamak raajarshi nadee mein nahaakar naaraayan ka dhyaan karake jab ve arghy dene ko hue tab unakee anjali mein sone ke rang kee ek chhotee machhalee aa gaee. satyavrat us machhalee ko nadee mein chhodane ja rahe the, tab vah machhalee bol uthee, he raajan, hamaaree machhalee kee jaati achchhee nahin hotee, chhotee machhaliyon ko badee machhaliyon kha jaatee hain. agar unase bach bhee jaaye, machhuaare jaal phenkakar pakad lete hain.
isalie main aapakee sharan maangane anjali mein aa gaee hoon. krpaya se mujhe chhod na deejiyega.shsh satyavrat machhalee ko apane kamandalu mein rakhakar apane nagar mein le gaye. ve mahaaraaja ke roop mein raajy karate hue badee tapasya karanevaale ek raajarshi the.
vishnu ke param bhakt aur bade gyaanee the. kamandalu ke bheetar vaalee chhotee machhalee doosare din tak badee ho gaee aur chhatapataate aartanaad karane lagee, mahaaraaj, mujhako kamandalu se nikaal kar badee jagah pahuncha deejie.shsh is par machhalee ko bade naand mein chhod diya gaya.
vah thodee hee der mein bahut badee ho gaee, tab satyavrat ne use ek taalaab mein daal diya. machhalee baraabar badhatee gaee, tab use taalaab se badee nadee mein, nadee se samudr mein pahunchaaya gaya. is par machhalee ne poochha, he raajarshi, main aapakee sharan mein aaya hoon. aisee haalat mein kya aap mujhe samudr mein chhodakar chale jaayenge?
kya magaramachchh aur timingal mujhakonigal nahin jaayenge? shsh satyavrat ne kaha, he mahaameen, batao, main isase badhakar tumhaare lie kya kar sakata hoon? pal bhar mein sau yojan badhanevaale tumako bhala kaun praanee nigal sakata hai.
0 Comments For "विष्णु पूरण भाग 1( Vishnu Puran In Hindi )"