ek saadhu svaamee vivekaanand jee ke paas aaya.abhivaadan karane ke baad usane svaamee jee ko bataaya ki vah unake paas kisee vishesh kaam se aaya hai. "svaamee jee, maine sab kuchh tyaag diya hai, moh maaya ke bandhan se chhoot gaya hoon parantu mujhe shaanti nahin milee. man sada bhatakata rahata hai.
ek guru ke paas gaya tha jinhonne ek mantr bhee diya tha aur bataaya tha ki isake jaap se anahadanaad sunaee dega aur phir shaanti milegee. badee lagan se mantr ka jaap kiya, phir bhee man shaant nahin hua.ab main pareshaan hoon. "itana kahakar us saadhu kee aankhe geelee ho gaee." kya aap sachamuch shaanti chaahate hain ", vivekaanand jee ne poochha. bade udaaseen svar mein saadhu bola, iseeliye to aapake paas aaya hoon. svaamee jee ne kaha, "achchha, main tumhen shaanti ka saral maarg bataata hoon.
itana jaan lo ki seva dharm bada mahaan hai.ghar se nikalo aur baahar jaakar bhookhon ko bhojan do, pyaason ko paanee pilao, vidyaarahiton ko vidya do aur deen, durbal, dukhiyon evan rogiyon kee tan, man aur dhan se sahaayata karo. seva dvaara manushy ka antahkaran jitanee jaldee nirmal, shaant, shuddh evan pavitr hota hai, utana kisee aur kaam se nahin. aisa karane se aapako sukh, shaanti milegee. "
saadhu ek nae sankalp ke saath chala gaya. use samajh aa gayee ki maanav jaati kee nih svaarth seva se hee manushy ko shaanti praapt sakatee hai ho.
0 Comments For "सेवा धर्म Hindi Motivational story"