jugaad teknolojee ne niraee-gudaee ka kaam kiya aasaan
peepalee aachaaryaan graam panchaayat ke badaliya gaanv ke ek kisaan ne ganne kee charakhee mein lagane vaale injan se niraee- gudaee
karane vaalee masheen bana lee. isase phasalon se kharapatavaar nikaalane mein kaaphee madad mil rahee hai.
usake padosee khet vaale bhee is masheen se khareeph kee phasalon se kharapatavaar nikaal rahe hain. badaliya nivaasee baaboolaal saalavee ne is navaachaar ka prayog gujaraat se seekha hai. aamataur par niraee-gudaee kudaalee kee sahaayata se kee jaatee hai. isamen kaaphee vakt lag jaata hai. saaval ne isake lie masheen hee bana dee hai. isakee sahaayata se phasal ke beech mein se kharapatavaar ko aasaanee se saaph kiya ja sakata hai.
baaboolaal ne bataaya ki pahale phasal ke beech mein se kharapatavaar ko saaph karane ke lie bailon kee parivaar ke sadasyon kee madad lenee padatee thee. paarapanrik roop se kudaalee se kharapatavaar saaph karane mein 2-3 din ka samay lag jaata tha. lekin masheen se kaee dinon ka kaam ghanton mein poora kiya ja sakata hai.
kisaan baaboolaal ne bataaya ki is masheen ke maadhyam se ek beegha khet se kharapatavaar ko saaph karane mein kareeb 25 rupe ka kharch aata hai. masheen se din bhar me 10 beegha tak niraee-gudaee kee ja sakatee hai. is masheen ko pahale petrol se staart kiya jaata hai. isake baad keroseen se chalatee rahatee hai.
baaboolaal ne bataaya ki niraee-gudaee kee masheen banaane ka aaidiya gujaraat ke kisaanon ko dekhane par aaya. raajasamand krshi vibhaag dvaara yahaan ke kisaanon ko gujaraat bhraman ke lie le jaaya gaya tha. gujaraat ke raajakot kshetr mein ek kisaan ko atyaadhunik masheen se kharapatavaar ko saaph karate hue dekha. vah oto jaisee masheen se aasaanee se khet mein motarasaikal kee tarah chalaate hue niraee-gudaee kar raha tha.
lekin masheen kampanee kee hone se yah kaaphee mahangee bhee thee. ghar pahunchane ke baad baaboolaal ne ganne ka ras nikaalane mein kaam aane vaale injan par maarbal par kaam aane vaale peetee giyar lagae. injan mein 3000 aarapeeem banata hai, ise giyar se kantrol kar 10 kee speed par chalaaya jaata hai. is masheen ko banaane mein use 20 hajaar rupe kee laagat aaee. das hajaar rupe ke injan par saadhe aath hajaar rupe giyar kantrol lagaane par kharch hue.
0 Comments For "जुगाड़ टेक्नोलोजी एक दिन में 10 बीघा तक निराई"