ek baar ek kisaan paramaatma se bada naaraaj ho gaya. kabhee baadh aa jaaye, kabhee sookha pad jae, kabhee dhoop bahut tej ho jae to kabhee ole pad jaaye. har baar kuchh na kuchh kaaran se usakee phasal thodee kharaab ho jaaye. ek din bada tang aa kar usane paramaatma se kaha, dekhiye prabhu, aap paramaatma hain, lekin lagata hai aapako khetee baadee kee jyaada jaanakaaree nahin hai, ek praarthana hai ki ek saal mujhe mauka deejiye, jaisa mai chaahoo vaisa mausam ho, phir aap dekhana mai kaise ann ke bhandaar bhar doonga. paramaatma muskuraaye aur kaha theek hai, jaisa tum kahoge vaisa hee mausam doonga, mai dakhal nahin karoonga.
kisaan ne gehoon kee fasal boee, jab dhoop chaahee, tab dhoop milee, jab paanee tab paanee. tej dhoop, ole, baadh, aandhee to usane aane hee nahin dee, samay ke saath phasal badhee aur kisaan kee khushee bhee, kyonki aisee phasal to aaj tak nahin huee thee. kisaan ne man hee man socha ab pata chalega paramaatma ko, kee fasal kaise karate hain, bekaar hee itane baras ham kisaano ko pareshaan karate rahe.
fasal kaatane ka samay bhee aaya, kisaan bade garv se fasal kaatane gaya, lekin jaise hee phasal kaatane laga, ekadam se chhaatee par haath rakh kar baith gaya. gehoon kee ek bhee baalee ke andar gehoon nahin tha, saaree baaliyaan andar se khaalee thee, bada dukhee hokar usane paramaatma se kaha, prabhu ye kya hua?
tab paramaatma bole, "ye to hona hee tha, tumane paudhon ko sangharsh ka zara sa bhee mauka nahin diya. na tej dhoop mein unako tapane diya, na aandhee olon se joojhane diya, unako kisee prakaar kee chunautee ka ahasaas jara bhee nahin hone diya, iseelie sab paudhe khokhale rah gae, jab aandhee aatee hai, tej baarish hotee hai ole girate hain tab podha apane bal se hee khada rahata hai, vo apana astitv bachaane ka sangharsh karata hai aur is sangharsh se jo bal paida hota hai vohee use shakti deta hai, urja deta hai, usakee jeevatata ko ubhaarata hai.sone ko bhee kundan banane ke lie aag mein tapane , hathaudee se pitane, galane jaisee chunotiyo se gujarana padata hai tabhee usakee svarnim aabha ubharatee hai, use anamol banaatee hai. "
0 Comments For "परमात्मा और किसान Hindi Inspirational Story"