"kisee nagar mein ek bhikhaarin ek grhasthee ke yahaan nity bheekh maangane jaatee thee. grhinee nity hee use ek muththee chaaval de diya karatee thee. yah budhiya ka dainik kaary tha aur maheenon se nahin kaee varshon se yah kaary bina rukaavat ke chal raha tha. ek din bhikhaarin chaavalon kee bheekh khaakar jyon hee dvaar se mudee, galee
mein grhinee ka dhaee varsh ka baalak khelata hua dikhaee diya. baalak ke gale mein ek sone kee janjeer thee. budhiya kee neeyat badalate der na lagee. idhar-udhar drshti daudaee, galee mein koee aur dikhaee nahin pada. budhiya ne baalak ke gale se janjeer le lee aur chalatee banee.
ghar pahunchee, apanee bheekh yatha sthaan rakhee aur baith gaee. sochane lagee, "janjeer ko sunaar ke paas le jaoongee aur ise bechakar paise khare karungee." yah sochakar janjeer ek kone mein ek eent ke neeche rakh dee. bhojan banaakar aur kha peekar so gaee.
praatahkaal uthee, shauchaadi se nivrtt huee to janjeer ke sambandh mein jo vichaar sunaar ke paas le jaakar dhan raashi batorane ka aaya tha usamen turant parivartan aa gaya. budhiya ke man mein bada kshobh paida ho gaya. sochane lagee- "yah paap mere se kyon ho gaya? kya munh lekar us ghar par jaoongee?" sochate-sochate budhiya ne nirnay kiya ki janjeer vaapis le jaakar us grhinee ko de aayegee. budhiya janjeer lekar seedhee vaheen pahunchee. dvaar par baalak kee maan khadee thee. usake paanvon mein girakar haath jodakar bolee- "aap mere annadaata hain. varshon se main aapake ann par pal rahee hoon. kal mujhase bada aparaadh ho gaya, kshama karen aur baalak kee yah janjeer le len."
janjeer ko haath mein lekar grhinee ne aashchary se poochha- "kya baat hai? yah janjeer tumhen kahaan milee?" bhikhaarin bolee- "yah janjeer mainne hee baalak ke gale se utaar lee thee lekin ab main bahut pachhata rahee hoon ki aisa paap main kyon kar baithee?"
grhinee bolee- "nahin, yah ho nahin sakata. tumane janjeer nahin nikaalee. yah kaam kisee aur ka hai, tumhaara nahin. tum us chor ko bachaane ke lie yah naatak kar rahee ho."
"nahin, bahin jee, main hee chor hoon. kal meree buddhi bhrasht ho gaee thee. aaj praatah mujhe phir se gyaan hua aur apane paap ka praayashchit karane ke lie mainne aapake saamane sachchaee rakhana aavashyak samajha," bhikhaarin ne uttar diya. grhinee yah sunakar avaak rah gaee.
bhikhaarin ne poochha- "kshama karen, kya aap mujhe bataane kee krpa karengee ki kal jo chaaval mujhe diye the ve kahaan se mol liye gaye hain."
grhinee ne apane pati se poochha to pata laga ki ek vyakti kaheen se chaaval laaya tha aur amuk pul ke paas bahut saste daamon mein bech raha tha. ho sakata hai vah churaakar laaya ho. unheen choree ke chaavalon kee bheekh dee gaee thee.
bhikhaarin bolee- "choree ka ann paakar hee meree buddhi bhrasht ho gaee thee aur isee kaaran main janjeer churaakar le gaee. vah ann jab mal ke roop mein shareer se nikal gaya aur shareer nirmal ho gaya tab meree buddhi thikaane aaee aur mere man ne nirnay kiya ki mainne bahut bada paap kiya hai. mujhe yah janjeer vaapis dekar kshama maang lenee chaahie. "
grhinee tatha usake pati ne jab bhikhaarin ke manobhaavon ko suna to bade achambhe mein pad gaye. bhikhaarin phir bolee- "choree ke ann mein se ek muththee bhar chaaval paane se meree buddhi bhrasht ho sakatee hai to vah sabhee chaaval khaakar aapake parivaar kee kya dasha hogee, atah, phenk deejie un sabhee chaavalon ko." grhinee ne turant un chaavalon ko baahar phenk diya. "
0 Comments For " आहार का कुप्रभाव Hindi Motivational Stories"